కలం, వెబ్ డెస్క్ : తెలంగాణ రాష్ట్ర ప్రభుత్వం వెనుకబడిన వర్గాల (BC) సంక్షేమం, అభివృద్ధి శాఖకు ప్రత్యేక సలహాదారుగా వి. హనుమంతరావు (Hanumantha Rao) ను నియమిస్తూ అధికారిక ఉత్తర్వులు జారీ చేసింది. ప్రభుత్వ ఉత్తర్వుల ప్రకారం, ఆయనకు రాష్ట్ర మంత్రికి సమానమైన హోదా కల్పించబడింది. విధి నిర్వహణ కాలంలో ఆయనకు రాష్ట్ర ప్రోటోకాల్లో ప్రత్యేక స్థానం ఉండనుంది. అదేవిధంగా, వేతనం, భత్యాలు, ఇతర సౌకర్యాలు ప్రభుత్వం నిర్ణయించిన నియమాల ప్రకారం అందించబడతాయి.
ఈ నియామకానికి అనుగుణంగా నెలవారీగా లేదా లంప్-సమ్ రూపంలో గౌరవ వేతనం ₹1,00,000/-గా నిర్ణయించబడింది. అదనంగా ప్రత్యేక భత్యాలు, సాంప్రదాయ భత్యాలు కూడా వర్తిస్తాయి. నివాస సౌకర్యం ప్రభుత్వ క్వార్టర్ రూపంలో లేదా ₹50,000/- హౌస్ రెంట్ అలవెన్స్ ఇవ్వబడుతుంది. వ్యక్తిగత వాహనం ఉపయోగిస్తే ₹30,000/- కన్వేయెన్స్ అలవెన్స్, అలాగే ₹15,000/- ఇంధన ఖర్చులు కూడా చెల్లించబడతాయి. వైద్య ఖర్చుల విషయంలో ప్రభుత్వ నిబంధనల ప్రకారం రియంబర్స్మెంట్ వర్తిస్తుంది. అదనంగా, కార్యాలయ పనుల కోసం వ్యక్తిగత సెక్రటరీ, డేటా ఎంట్రీ ఆపరేటర్, కార్యాలయ సహాయకులు, డ్రైవర్ వంటి సిబ్బందిని నియమించనున్నారు.
BC సంక్షేమ పథకాల రూపకల్పన, అమలు, సమీక్షలో ప్రభుత్వానికి కీలక సలహాలు ఇవ్వడం ఆయన (Hanumantha Rao) ప్రధాన బాధ్యతగా ఉంటుంది. గ్రామీణ స్థాయి నుంచి రాష్ట్ర స్థాయి వరకు వెనుకబడిన వర్గాల అభివృద్ధికి అవసరమైన సూచనలు అందించనున్నారు. ఈ నియామకానికి సంబంధించిన అన్ని ఖర్చులు BC సంక్షేమ శాఖ బడ్జెట్ నుండి భరించబడతాయని ఉత్తర్వులలో స్పష్టం చేశారు.
Read Also: కుర్చీ కోసం కౌన్సిలర్ల కొట్లాట: జనగామలో ఉద్రిక్తత!
Follow Us On : WhatsApp
