కలం, ఖమ్మం బ్యూరో: భద్రాద్రి కొత్తగూడెం జిల్లా ఎస్సీ కార్పొరేషన్ ఇన్ఛార్జ్ కార్యనిర్వాహక సంచాలకులుగా పి. విజయలక్ష్మి (Vijayalakshmi) మంగళవారం బాధ్యతలు స్వీకరించారు. జిల్లా కలెక్టర్ ఇచ్చిన ఉత్తర్వుల మేరకు, కలెక్టర్ సమక్షంలో ఆమె ఈ బాధ్యతలను చేపట్టారు. ఇప్పటివరకు ఈ పదవిలో కొనసాగిన ఆర్. ఉపేందర్ రావు నుండి పి. విజయలక్ష్మి బాధ్యతలను స్వీకరించడం జరిగింది.
ఈ సందర్భంగా కొత్తగా బాధ్యతలు చేపట్టిన ఈడీ విజయలక్ష్మి మాట్లాడుతూ.. జిల్లాలోని షెడ్యూల్డు కులాల సంక్షేమానికి, వారి ఆర్థిక సమగ్ర అభివృద్ధికి ప్రభుత్వం అమలు చేస్తున్న పథకాలను అర్హులైన ప్రతి ఒక్కరికీ సక్రమంగా అందించడానికి కృషి చేస్తానని తెలిపారు.
