కలం, వెబ్డెస్క్: అమెరికాలో సంచలనం సృష్టించిన ఎప్స్టీన్(Epstein) సెక్స్ స్కాండల్ స్కామ్లో ఎట్టకేలకు ట్రంప్ (Trump) పేరును అమెరికా న్యాయశాఖ బయటపెట్టింది. ఈ కేసు వెలుగులోకి వచ్చినప్పటి నుంచి ట్రంప్ పేరు వినిపిస్తున్నా, ఎప్స్టీన్తో ట్రంప్ కలసి ఉన్న ఫొటోలు బయటికి వస్తున్నా అవన్నీ అనధికారికంగా బయటపడినవే. అయితే, ప్రస్తుతం ఎప్స్టీన్ కేసు ఫైల్స్ను అమెరికా న్యాయశాఖ విడుదల చేస్తున్న సంగతి తెలిసిందే. దాదాపు నాలుగు రోజుల నుంచి ఎప్స్టీన్ ఫైల్స్ సమాచారాన్ని యూఎస్ న్యాయాధికారులు కొంచెం కొంచెంగా ఆన్లైన్లో ప్రజలకు అందుబాటులో ఉంచుతున్నారు. లక్షల ఫైల్స్ ఉండడంతో అంతా ఒకేసారి కాకుండా ఇలా దఫదఫాలుగా విడుదల చేస్తున్నట్లు అధికారులు చెబుతున్నారు. ఈ క్రమంలో భారత కాలమానం ప్రకారం ఆదివారం అర్ధరాత్రి విడుదలయిన మూడో దఫా ఎప్స్టీన్ ఫైల్స్లో అధ్యక్షుడు ట్రంప్ పేరు కనిపించింది.
అమ్మాయిలను సంపన్నులు, రాజకీయ నాయకులు, సెలెబ్రెటీలకు ఎరగా వేసిన నేరస్తుడు అయిన ఎప్స్టీన్తో కలసి ట్రంప్ (Trump) కనీసం ఎనిమిది సార్లు విమాన ప్రయాణాలు చేసినట్లు ఈ ఫైల్స్లో ఉంది. ఎప్స్టీన్ ప్రైవేట్ జెట్స్లో ట్రంప్ ఈ జర్నీలు చేసినట్లు ఆధారాలు ఉన్నాయి. అయితే, క్రిమినల్తో కలసి ప్రయాణించిన మాత్రాన ట్రంప్ నేరం చేసినట్లు కాదని అమెరికా న్యాయాధికారులు అంటున్నారు. కాగా, ఎప్స్టీన్ ప్రైవేట్ జెట్లో ఎప్స్టీన్తో పాటు ట్రంప్, మరో 20 ఏళ్ల మహిళ(పేరు ప్రస్తావించలేదు) కలసి ఒకసారి జర్నీ చేశారని, అలాగే మరో రెండు సార్లు సైతం ట్రంప్ వెళ్లిన జెట్లో ఇద్దరు మహిళలు ఉన్నారని ఫైల్స్లో ఉంది. దీనిపై అమెరికాలో కలకలం రేగుతోంది. ఎప్స్టీన్ సెక్స్ కుంభకోణంలో ట్రంప్ పేరు వెల్లడైనందున .. ఆయన తక్షణం పదవి నుంచి దిగిపోవాలని ప్రతిపక్ష డెమొక్రాట్ సభ్యులు డిమాండ్ చేస్తున్నారు.
Read Also: మేం పారిపోయినవాళ్లం.. మాల్యా, మోదీ వ్యంగ్యం
Follow Us On: X(Twitter)
