కలం, నిర్మల్: నిర్మల్ జిల్లా కేంద్రంలో తెలంగాణ గుర్తింపు పొందిన పాఠశాలల యాజమాన్య సంఘం (TRSMA) ఆధ్వర్యంలో నిర్వహించనున్న గురుశ్రేష్ఠ – ప్రైవేట్ టీచర్స్ అవార్డుల(Gurushreshta Awards) ప్రదానోత్సవానికి హాజరుకావాలని కోరుతూ అదనపు ఎస్పీ ఉపేందర్ రెడ్డి, డీఎస్పీ శ్రీనివాస్‌లను ట్రస్మా ప్రతినిధులు బుధవారం కలిసి ఆహ్వాన పత్రిక అందజేశారు.
బాలల దినోత్సవాన్ని పురస్కరించుకుని ఈ నెల 14న ఉదయం 10 గంటలకు నిర్మల్ పట్టణంలోని శివాజీ చౌక్ సమీపంలో ఉన్న ఆర్కే కన్వెన్షన్ హాల్‌లో ఈ కార్యక్రమాన్ని నిర్వహించనున్నట్లు తెలిపారు. విద్యారంగంలో విశేష సేవలందిస్తూ విద్యార్థుల భవిష్యత్తుకు బాటలు వేస్తున్న ప్రైవేట్ ఉపాధ్యాయులను గుర్తించి గురుశ్రేష్ఠ అవార్డులతో సత్కరించనున్నట్లు పేర్కొన్నారు. ఈ కార్యక్రమంలో ట్రస్మా జిల్లా అధ్యక్షుడు శ్రీనివాస్ గౌడ్, పట్టణ అధ్యక్షుడు అయ్యన్నగారి శ్రీధర్, ప్రధాన కార్యదర్శి శ్యాంప్రకాష్, రాష్ట్ర ఈసీ సభ్యులు షబ్బీర్ అహ్మద్ తదితరులు పాల్గొన్నారు.
