కలం డెస్క్ : దేశవ్యాప్తంగా రాజ్భవన్(Raj Bhavan), రాజ్‌నివాస్(Raj Niwas) పేర్లు త్వరలో మారనున్నాయి. ఇప్పటికే కొన్ని రాష్ట్రాల, కేంద్రపాలిత ప్రాంతాల్లో పేర్లు మారగా, మరికొన్నిచోట్ల త్వరలో అధికారికంగా మారనున్నాయి. రాజ్భవన్ పేరు లోక్భవన్(Lok Bhavan)గా, రాజ్‌నివాస్(Lok Niwas) పేరు లోక్‌నివాస్‌గా మారుతాయి. రాజ్భవన్ పేరులోని రాజ్ అనే పదం రాచరికపు భావాన్ని కలిగిస్తాయని, వలస పాలన అవశేషాలకు గుర్తుగా ఉంటున్నాయని, ఈ ఉద్దేశంతోనే లోక్‌భవన్‌గా మార్చాలని కేంద్ర హోంశాఖ భావించింది. రాజ్యాంగానికి కస్టోడియన్‌గా ఉండే గవర్నర్లు, లెఫ్టినెంట్ గవర్నర్లు ప్రజలతో సంబంధాలు కలిగి ఉండేవారనే భావనతో లోక్భవన్, లోక్‌నివాస్ అనే పేర్లలోకి మార్చాలనే అభిప్రాయం పలువురు గవర్నర్ల నుంచి వ్యక్తమైంది. గతేడాది ఢిల్లీలో జరిగిన గవర్నర్ల కాన్ఫరెన్సులో పేర్ల మార్పుపై చర్చ జరిగిన తర్వాత మెజారిటీ గవర్నర్లు లోక్భవన్, లోక్‌నివాస్ అనే పేర్లలోకి మారిస్తే బాగుంటుందనే అభిప్రాయాన్ని వ్యక్తం చేశారు. దీన్ని పరిగణనలోకి తీసుకున్న కేంద్ర హోంశాఖ పేర్ల మార్పుపై నాలుగు రోజుల క్రితం ఉత్తర్వులు జారీచేసింది.
ఇప్పటికే కొన్ని రాష్ట్రాల్లో పేర్లు మారిపోయాయి. మరికొన్నింటిలో క్రమంగా మారనున్నాయి. హోంశాఖ జాయింట్ సెక్రటరీ గుర్రాల పార్ధసారథి ఈ నెల 25న అన్ని రాష్ట్రాల గవర్నర్ కార్యదర్శులకు, ముఖ్య కార్యదర్శులకు, లెఫ్టినెంట్ గవర్నర్ల కార్యదర్శులకు లేఖ రాశారు. ప్రస్తుతం రాజ్భవన్(Raj Bhavan)లుగా కొనసాగుతున్న గవర్నర్ బంగళాలన్నీ లోక్‌భవన్‌లుగా మార్చాలని, లెఫ్టినెంట్ గవర్నర్లు ఉండే రాజ్‌నివాస్ పేరు లోక్‌నివాస్‌గా మారుతాయని తెలిపారు. ఈ మేరకు చర్యలు తీసుకోవాల్సిందిగా ఆ కార్యదర్శులకు ఆ లేఖలో స్పష్టం చేశారు. రాజ్భవన్ పేరు మార్పుపై తమిళనాడు గవర్నర్ స్టాలిన్ తీవ్ర ఆగ్రహం వ్యక్తం చేశారు. మారాల్సింది పేర్లు కాదని, గవర్నర్ల ఆలోచనల్లో మార్పు రావాలని సెటైర్ వేశారు. అక్కడి గవర్నర్ ఆర్ఎన్ రవితో సీఎం స్టాలిన్‌కు గత కొన్నేండ్లుగా పొసగడంలేదు. ఈ పరిస్థితుల్లోనే స్టాలిన్ తాజా పేరు మార్పు ప్రతిపాదనపై పెదవి విరిచారు.
Read Also: ఆ దేశంలో వాట్సాప్‌పై నిషేధం
Follow Us On: X(Twitter)
