ఆధార్‌కార్డులపై సుప్రీంకోర్టు(Supreme Court) సంచలన వ్యాఖ్యలు చేసింది. ఇటీవల ఓటర్ల జాబితా ప్రత్యేక సమగ్ర సవరణలో భాగంగా పలువురు చొరబాటు దారుల ఓట్లను తొలగిస్తున్నట్టు ఎన్నికల సంఘం చెబుతోంది. అయితే బీజేపీ వ్యతిరేకుల ఓట్లను మాత్రమే తొలగిస్తున్నారని ప్రతిపక్షాలు విమర్శిస్తున్నాయి. ఆధార్ కార్డు(Aadhaar)ను కూడా గుర్తింపు కార్డుగా ఎందుకు పరిగణించడం లేదన్న ప్రశ్నలు వస్తున్నాయి. అయితే చొరబాటు దారులు కూడా ఆధార్ కార్డులు సంపాదిస్తున్నారన్న వార్తలు వస్తున్నాయి. ఈ నేపథ్యంలో సుప్రీంకోర్టు సంచలన వ్యాఖ్యలు చేసింది. ఒక వేళ చొరబాటు దారులు ఆధార్ కార్డులను సంపాదిస్తే వారికి ఓటు హక్కు ఇవ్వాలా? అని ప్రశ్నించింది. అక్రమ చొరబాటుదారుల(intruder) విషయంలో ఎన్నికల సంఘం, కేంద్ర ప్రభుత్వం కఠినంగా వ్యవహరించాలని సుప్రీంకోర్టు సూచించింది.
ఓటర్ల జాబితాలలో ప్రత్యేక సమగ్ర సవరణ చేపట్టడంపై జరుగుతున్న విచారణలో భాగంగా, ఆధార్ డేటా వినియోగం, గుర్తింపు ధృవీకరణలో లోపాలు, వాటి వల్ల జరిగే తప్పిదాలపై పెత్తనం చర్చ నడిచింది. ఈ సందర్భంలో సుప్రీం కోర్టు సంచలన వ్యాఖ్యలు చేసింది. పౌరులు కాని వ్యక్తుల చేతిలో ఆధార్ ఎలా చేరుతోంది? ఇలా అయితే వారికి ఓటు హక్కు కూడా ఇవ్వాలా?” అంటూ ప్రశ్నించింది.
దేశవ్యాప్తంగా ప్రతి సంవత్సరం జరిగే ఓటర్ల జాబితా ప్రత్యేక సవరణలో ఆధార్‌ను ఓటర్‌ ఐడీతో అనుసంధానం చేయడంపై అభ్యంతరాలు వ్యక్తమవుతున్నాయి. ఆధార్ తప్పనిసరి కాదని చట్టం చెబుతున్నప్పటికీ, అనేక రాష్ట్రాల్లో ఆధార్ ద్వారా వివరాలు సేకరిస్తున్నారని పిటిషనర్లు తెలిపారు. తప్పుడు ఆధార్ వివరాల ఆధారంగా ఓటర్ల జాబితాలో పేర్లు చేరే అవకాశముందని, దీనివల్ల ఎన్నికల వ్యవస్థలో అవకతవకలు పెరుగుతాయన్న వాదనను కోర్టు పరిశీలిస్తోంది.
ఆధార్ జారీ వ్యవస్థలో లోపాలున్నాయా?
అక్రమ వలసదారులకు ఆధార్ ఎలా జారీ అవుతోంది? ధృవీకరణలో అధికారులు విఫలమవుతున్నారా? అంతర్గత భద్రతకు ఇది ప్రమాదకరమయ్యే అవకాశముందా? అంటూ కోర్టు వ్యాఖ్యానించింది. సుప్రీం కోర్టు(Supreme Court) వ్యాఖ్యలతో కేంద్ర ప్రభుత్వం, యూనిక్‌ ఐడెంటిఫికేషన్‌ అథారిటీ ఆఫ్‌ ఇండియా (యూఐడీఏఐ), ఎన్నికల సంఘం నుంచి స్పష్టమైన వివరణలు కోరే అవకాశాలు కనిపిస్తున్నాయి. ఓటర్ల జాబితా కచ్చితత్వం, అక్రమ వలసదారుల చొరబాటు నిరోధం, ఆధార్-ఓటర్‌ ఐడీల మధ్య సమన్వయం వంటి అంశాలపై మరింత కఠిన మార్గదర్శకాలు తప్పనిసరి కావచ్చని న్యాయవర్గాలు చెబుతున్నాయి.
మరింత విచారణకు వాయిదా
ఈ అంశంలో లోతుగా అధ్యయనం అవసరమని భావించిన సుప్రీం కోర్టు తదుపరి వాదనలు వినేందుకు కేసును వాయిదా వేసింది. దేశ భద్రత, ప్రజాస్వామ్య వ్యవస్థ పరిరక్షణకు సంబంధించిన వ్యవహారం కావడంతో విచారణ మరింత కీలక దశలోకి వెళ్లే అవకాశం ఉన్నట్లు తెలుస్తోంది.
Read Also: సైక్లోన్ సెన్యార్ వేళ ఇండోనేషియాలో భారీ భూకంపం..
Follow Us on: Youtube
