కలం, వెబ్డెస్క్: భారత్లో శాటిలైట్ ఆధారిత ఇంటర్నెట్ సేవల్లో రెసిడెన్షియల్ ప్లాన్ ధరను రూ.8,600గా స్టార్లింక్ (Starlink) నిర్ణయించింది. అయితే, కమర్షియల్ ప్లాన్ల ధరలను, స్పీడ్ను వెల్లడించలేదు. అలాగే త్వరలోనే తమ సేవలను భారత్లో ప్రారంభించనున్నట్లు ఎలాన్ మస్క్ కంపెనీ స్టార్లింక్ ప్రకటించిది. ఈ మేరకు స్టార్లింక్ ఇండియా వెబ్సైట్ లో వివరాలు పోస్ట్ చేసింది. దీని ప్రకారం రెసిడెన్షియల్ సేవలకు నెలవారీ ధర రూ.8,600గా పేర్కొంది. దాంతోపాటు హార్డ్వేర్ ఏర్పాటుకు రూ.34వేలు చెల్లించాలి. ఈ ప్లాన్లో డేటాపై పరిమితి లేదు. అలాగే ఉచితంగా 30 రోజుల పాటు ఇంటర్నెట్ సేవలు పొందచ్చు. ప్లగ్ అండ్ ప్లే విధానంలో దీనిని రూపొందించినట్లు స్టార్లింక్ తెలిపింది. అంటే సబ్స్క్రిప్షన్ తీసుకున్న ఎవరైనా సరే సులభంగా డివైజ్ అమర్చుకోవచ్చు. ఇక, శాటిలైట్ సేవల గేట్వే కోసం హైదరాబాద్, చండీగఢ్, కోల్కతా, లక్నో, ముంబై, నోయిడాలో స్టేషన్లు ఏర్పాటుచేస్తోంది. కాగా, మన పొరుగు దేశాలైన శ్రీలంక, బంగ్లాదేశ్, భూటాన్లో ఇప్పటికే స్టార్లింక్ సేవలు అందుతున్నట్లు వెబ్సైట్ చూపిస్తోంది. అన్ని వాతావరణ పరిస్థితుల్లోనూ సేవలు అందుతాయని, 99.9శాతం కచ్చితత్వం ఉంటుందని స్టార్లింక్ తెలిపింది. కాగా, స్పీడు వివరాలు అధికారికంగా చెప్పకపోయినప్పటికీ 25ఎంబీపీఎస్ నుంచి 225ఎంబీపీఎస్ వరకు ఉండొచ్చని భావిస్తున్నారు.
స్టార్లింక్ ఎలా పొందవచ్చంటే..:
స్టార్లింక్ (Starlink) ఇండియా వెబ్సైట్ ఓపెన్ చేయాలి.అందులో ‘గెట్ స్టార్టెడ్’ బటన్ క్లిక్ చేసి మన ప్రాంతాన్ని ఎంచుకోవాలి. అనంతరం ప్లాన్, సబ్స్క్రిప్షన్ వివరాలు స్క్రీన్పై కనిపిస్తాయి. మనకు కావాల్సిన ప్లాన్ ఎంచుకోవాలి.పేమెంట్ పూర్తి చేయాలి. ఇక సేవలందుకోవడమే తరువాయి. అయితే, ఇప్పటివరకు దేశంలోని చాలా ప్రాంతాల్లో స్టార్లింక్ సేవలుకు అనుమతి లేదు. దశలవారీగా అన్ని ప్రాంతాల్లోనూ సర్వీసు తీసుకొస్తారు. ప్రస్తుతం తెలంగాణలో సర్వీస్ లేనట్లు, ఆంధ్రప్రదేశ్లో విశాఖపట్నం, నెల్లూరులో సేవలున్నట్లు వెబ్సైట్ లో కనిపిస్తోంది.
Read Also: ‘వందేమాతరం’ ను కాంగ్రెస్ ముక్కలు చేసింది : మోడీ
Follow Us On: X(Twitter)
