కలం, సినిమా : మాస్ మహారాజ రవితేజ (Ravi Teja) గత కొంతకాలంగా వరుస మాస్ సినిమాలతో ప్రేక్షకుల ముందుకు వచ్చినా వర్కౌట్ కాకపోవడంతో ఈ సారి రూటు మార్చి డీవోషనల్ కథాంశంతో ప్రేక్షకులను పలుకరించనున్నాడు. ప్రస్తుతం రవితేజ నటిస్తున్న లేటెస్ట్ మూవీ ” ఇరుముడి”(Irumudi). టాలెంటెడ్ డైరెక్టర్ శివ నిర్వాణ (Shiva Nirvana) ఈ సినిమాను తెరకెక్కిస్తున్నాడు.
మజిలీ సినిమా తరువాత ఆ రేంజ్ హిట్ లేని శివ నిర్వాణ ఈ సారి రవితేజ సినిమాతో సాలిడ్ హిట్ అందుకోవాలని చూస్తున్నాడు. మైత్రి మూవీ మకర్స్ నిర్మాణంలో తెరకెక్కుతున్న ఈ సినిమా షూటింగ్ శరవేగంగా జరుగుతుంది. ఈ సినిమాలో ప్రియా భవానీ శంకర్ రవితేజ భార్యగా నటిస్తుంది. బేబీ నక్షత్ర రవితేజ కూతురి పాత్రలో నటిస్తుంది. యంగ్ మ్యూజిక్ సెన్సెషన్ జివి ప్రకాష్ కుమార్ ఈ సినిమాకు మ్యూజిక్ అందిస్తున్నాడు. తాజాగా మేకర్స్ స్పెషల్ పోస్టర్ రిలీజ్ చేస్తూ ప్రేమతో ముడిపడిన చురుకైన తండ్రి, అందమైన కుమార్తె కథే ఇరుముడి సినిమా అని ట్వీట్ చేశారు.
