రొనాల్డో లేని తొలి మ్యాచ్‌.. పోర్చుగల్‌కు ఘోర ఓటమి

క‌లం, స్పోర్ట్స్: క్రిస్టియానో రొనాల్డో (Cristiano Ronaldo).. పోర్చుగల్ జట్టుకు వీడ్కోలు పలికిన కొద్ది రోజులకే జాతీయ జట్టుకు ఊహించని షాక్ తగిలింది. రోనాల్డో వీడ్కోలు తర్వాత జరిగిన తొలి అంతర్జాతీయ మ్యాచ్‌లో పోర్చుగల్ టీమ్ చిత్తు చిత్తు అయింది. సొంత గడ్డపై డెన్మార్క్‌తో జరిగిన మ్యాచ్‌లో 4-1 తేడాతో చతికిలబడింది. యూఈఎఫ్ఏ నేషన్స్‌ లీగ్‌లో శనివారం జరిగిన ఈ మ్యాచ్‌లో రాస్మస్‌ హోయ్‌లండ్‌ రెండు గోల్స్‌తో డెన్మార్క్‌ విజయంలో కీలక పాత్ర పోషించాడు. మ్యాచ్‌కు ముందు పోర్చుగల్‌ జట్టు రొనాల్డోకు ఘనంగా వీడ్కోలు పలికింది. ఆటగాళ్లు ఆయన పేరు, 7వ నంబర్‌ ఉన్న జెర్సీలతో మైదానంలోకి వచ్చారు.

అభిమానులు ‘థ్యాంక్యూ కెప్టెన్‌’ బ్యానర్‌తో నివాళులర్పించారు. మ్యాచ్‌ ఏడో నిమిషంలోనూ రొనాల్డోకు చప్పట్లతో గౌరవం తెలిపారు. ఆ తర్వాత మ్యాచ్‌లో డెన్మార్క్‌ ఆధిపత్యం కొనసాగింది. 43వ నిమిషంలో పెనాల్టీని గోల్‌గా మలిచిన పియరీ-ఎమిలీ హోయ్‌బ్యర్గ్‌ జట్టుకు ఆధిక్యం అందించాడు. రెండో అర్ధభాగం మొదలైన కొద్దిసేపటికే హోయ్‌లండ్‌ రెండు గోల్స్‌ చేశాడు. 75వ నిమిషంలో జోకిమ్‌ ఆండర్సన్‌ మరో గోల్‌ సాధించాడు. చివర్లో బెర్నార్డో సిల్వా పోర్చుగల్‌ తరఫున ఒక గోల్‌ చేసినా ఫలితం మారలేదు. ఈ ఓటమితో పోర్చుగల్‌ వరుస విజయాలకు బ్రేక్‌ పడింది. ఇప్పటికే క్వార్టర్‌ ఫైనల్‌ బెర్త్‌ ఖాయం చేసుకున్న ఆ జట్టు గ్రూప్‌లో అగ్రస్థానంలో కొనసాగుతోంది. మరో మ్యాచ్‌లో నార్వే 3-1తో వేల్స్‌ను ఓడించింది. డెన్మార్క్‌ క్వార్టర్‌ ఫైనల్‌ అవకాశాలను మరింత మెరుగుపరుచుకుంది.

మ‌రిన్ని వార్త‌ల కోసం మా వాట్స‌ప్ ఛాన‌ల్ ఫాలో అవ్వండి

లేటెస్ట్ న్యూస్‌

Read More Latest News >>

ఎక్స్‌క్లూజివ్‌

Read More Exclusive Stories >>