స్థానిక సంస్థల ఎన్నికల(Panchayat Elections) షెడ్యూల్‌ను మంగళవారం (నవంబర్ 25) సాయంత్రం 6:15 గంటలకు రాష్ట్ర ఎన్నికల సంఘం ప్రకటించనుంది. ఈ మేరకు సాయంత్రం మీడియా సమావేశం నిర్వహించనుంది. రాష్ట్ర క్యాబినెట్ సమావేశం ముగిసిన వెంటనే ఎన్నికల నోటిఫికేషన్ జారీ చేయనున్నట్లు అధికార వర్గాలు తెలిపాయి.
సుప్రీంకోర్టు ఆదేశాల మేరకు మొత్తం రిజర్వేషన్లు 50 శాతాన్ని మించకుండా స్థానిక సంస్థల ఎన్నికల షెడ్యూల్‌ను రూపొందించినట్లు తెలుస్తోంది. దీంతో గ్రేటర్ హైదరాబాద్ మున్సిపల్ కార్పొరేషన్ (జీహెచ్ఎంసీ) పరిధి మినహా రాష్ట్రంలోని మిగతా అన్ని ప్రాంతాల్లో మోడల్ కోడ్ ఆఫ్ కండక్ట్ అమలులోకి రానుంది.
మోడల్ కోడ్ ఆఫ్ కండక్ట్ అమలు కావడంతో ఇందిరమ్మ చీరల పంపిణీ అధికారిక కార్యక్రమానికి బ్రేక్ పడే అవకాశం ఉందని, దీనికి సంబంధించి ప్రభుత్వం కీలక నిర్ణయం తీసుకోనుందని సమాచారం. జీహెచ్ఎంసీ మినహా మిగిలిన జిల్లాల్లో కోడ్ అమలు కావడంతో ఎమ్మెల్యేలు తమ నియోజకవర్గాల్లో ఆఖరి నిమిషంలో అధికారిక కార్యక్రమాలను పూర్తి చేసుకునేందుకు ప్రయత్నిస్తున్నారు.
మూడు దశల్లో ఎన్నికలు
స్థానిక సంస్థల ఎన్నికలను(Panchayat Elections) మూడు దశల్లో నిర్వహించేలా షెడ్యూల్ రూపొందించినట్లు సమాచారం. డిసెంబర్ 17 లేదా 19లోగా పోలింగ్ పూర్తి చేసే అవకాశం ఉందని ఎన్నికల సంఘం వర్గాలు తెలిపాయి. పార్టీ అభ్యర్థుల ఎంపికలో బీసీలకు 42 శాతం రిజర్వేషన్ కల్పించాలని కాంగ్రెస్ పార్టీ నిర్ణయించినట్లు తెలుస్తోంది. ఈ మేరకు అధిష్ఠానం దశలవారీగా కసరత్తు చేపట్టనుంది.
Read Also: గ్లోబల్ సమ్మిట్ 2025పై సీఎం రేవంత్ సమీక్ష
Follow Us on: Youtube
 సాయంత్రం 6:15 గంటలకు రాష్ట్ర){kind=link}