Delhi Blast | ఢిల్లీలో ఇటీవల జరిగిన పేలుడు ఘటన కేసులో జాతీయ దర్యాప్తు సంస్థ (ఎన్ఐఏ) వేగం పెంచింది. తాజాగా మరో నిందితుడిని అరెస్ట్ చేసింది. ఈ అరెస్ట్‌తో మొత్తం ఈ కేసులో ఏడుగురు నిందితులను ఎన్ఐఏ అదుపులోకి తీసుకున్నది. ఫరీదాబాద్‌కు చెందిన షోయబ్(Shoaib) అనే వ్యక్తిని అధికారులు తాజాగా అదుపులోకి తీసుకున్నారు. ఉగ్రవాది ఉమర్‌కు ఆశ్రయమిచ్చి, పేలుడుకు ముందు అతనికి అవసరమైన సాయం అందించిన వ్యక్తిగా షోయబ్‌పై అనుమానాలు వ్యక్తమవుతున్నాయి.
ఉగ్రవాది ఉమర్‌కు సహకారం
దర్యాప్తు సంస్థకు లభించిన వివరాల ప్రకారం, పేలుడు(Delhi Blast) కుట్రకు సంబంధించి ఉగ్రవాది ఉమర్‌తో షోయబ్ నిరంతర సంబంధాలు కొనసాగించినట్లు తేలింది. ఉమర్‌ ఢిల్లీకి వచ్చినప్పుడు అతడికి తాత్కాలిక ఆశ్రయం కల్పించడం, ప్రయాణ సౌకర్యాలు, కమ్యూనికేషన్ సహాయం వంటి సపోర్ట్ అందించినట్లు విచారణలో వెల్లడైంది. షోయబ్‌తో పాటు ఉమర్‌ కదలికలపై కూడా ఎన్ఐఏ మరిన్ని ఆధారాలు సేకరించినట్లు సమాచారం. షోయబ్ నివాసం, అతను ఉపయోగించిన ఎలక్ట్రానిక్ పరికరాలు, కమ్యూనికేషన్ డేటాను ధృవీకరించేందుకు ఫోరెన్సిక్ టీమ్ కూడా రంగంలోకి దిగింది.
షోయబ్ అరెస్ట్‌తో దర్యాప్తుకు మరికొన్ని కీలక లింకులు లభించే అవకాశం ఉందని అధికారులు భావిస్తున్నారు. షోయబ్ అందించిన సమాచారం ఆధారంగా ఉగ్ర నెట్‌వర్క్‌లో ఉన్న ఇతరులపై కూడా ఎన్ఐఏ నిఘా మరింత కట్టుదిట్టం చేసింది. ఈ పేలుడు కుట్ర వెనుక ఉన్న అసలు దుశ్చర్యలను వెలికితీయడానికి విచారణ కొనసాగుతోంది.
Read Also: 2026 టీ వరల్డ్ కప్ అంబాసిడర్ అతడే..
Follow Us on: Youtube
 వేగం పెంచింది){kind=link}