అమెరికాలో మరొకసారి కాల్పుల కలకలం చోటుచేసుకుంది. కాలిఫోర్నియా(California)లోని స్టాక్‌టన్ నగరం శనివారం రాత్రి ఒక్కసారిగా కాల్పులతో హోరెత్తిపోయింది. ఓ చిన్నారి పుట్టినరోజు వేడుకల్లో ఈ కాల్పులు జరగడం గమనార్హం. అమెరికాలోని అధికారులు తెలిపిన వివరాల ప్రకారం.. గుర్తు తెలియని దుండగుడు పుట్టినరోజు వేడుకలకు వచ్చి జనసందోహంలో కలిసిపోయి.. అకస్మాత్తుగా కాల్పులకు తెగబడ్డాడు. ఎలాంటి హెచ్చరికలు లేకుండా వరుసగా కాల్పులు జరపడంతో అక్కడ గందరగోళం తీవ్రరూపం దాల్చింది.
కాలిఫోర్నియా(California) దాడిలో పదుల సంఖ్యలో ప్రజలు గాయపడ్డట్టు తెలుస్తోంది. క్షతగాత్రుల్లో చిన్నారులు, మహిళలు కూడా ఉండటం స్థానికులను మరింత కలచివేసింది. గాయపడిన వారిని అత్యవసర పరిస్థితుల్లో సమీప ఆస్పత్రులకు తరలించి చికిత్స అందిస్తున్నారు. కొంతమందికి తీవ్రగాయాలు కావడంతో వారి పరిస్థితి ఆందోళనకరంగా ఉందని వైద్యులు తెలిపారు.
కాల్పుల సమాచారం అందిన వెంటనే భారీగా పోలీసు బలగాలు సంఘటనా స్థలానికి చేరుకున్నాయి. పరిసర ప్రాంతాలన్నింటిలోనూ నిందితుల కోసం గాలింపు చర్యలు చేపట్టారు. పోలీసులు ఈ ఘటనపై దర్యాప్తు జరుపుతున్నారు. ప్రత్యక్ష సాక్షులతో మాట్లాడి వివరాలు సేకరిస్తున్నారు. అక్కడి భద్రతా కెమెరాల ఫుటేజీని కూడా పోలీసులు పరిశీలిస్తున్నారు.
ఈ దాడితో మరోసారి అమెరికాలో గన్‌ కల్చర్‌పై ఆందోళన వ్యక్తమవుతోంది. తరచూ జరుగుతున్న ఇలాంటి సంఘటనలను అరికట్టేందుకు కఠినమైన చర్యలు తీసుకోవాల్సిందేనని ప్రజలు, స్థానిక నాయకులు అభిప్రాయపడుతున్నారు.
Read Also: స్థానికం సరే.. జీహెచ్ఎంసీలో గట్టిగ కొట్లాడుదాం: కేటీఆర్
Follow Us On: X(Twitter)
