కలం, నిర్మల్: నిర్మల్ జిల్లా కేంద్రంలోని బీజేపీ కార్యాలయంలో భారత మాజీ ప్రధాని లాల్ బహదూర్ శాస్త్రి జయంతి (Lal Bahadur Shastri Jayanti) వేడుకలను శుక్రవారం ఘనంగా నిర్వహించారు. ఈ సందర్భంగా శాస్త్రి చిత్రపటానికి బీజేపీ నాయకులు పూలమాలలు వేసి నివాళులర్పించారు. దేశ అభివృద్ధి, సమగ్రత కోసం లాల్ బహదూర్ శాస్త్రి చేసిన సేవలు చిరస్మరణీయమని కొనియాడారు.
ఆయన ఆశయాలను నేటి తరం ఆదర్శంగా తీసుకుని దేశ సేవలో ముందుకు సాగాలని పిలుపునిచ్చారు. ఈ కార్యక్రమంలో బీజేపీ రాష్ట్ర కౌన్సిల్ సభ్యుడు దశరథ్ పోశెట్టి, సీనియర్ నాయకులు అడెపు సుధాకర్, పంతికే ప్రకాష్, రచ్చ మల్లేష్, రావుల రాము, ద్యాగ ప్రకాష్, తోట సత్యనారాయణ, తదితరులు పాల్గొన్నారు.
