కలం, వెబ్ డెస్క్ : హైదరాబాద్లోని సుదర్శన్ థియేటర్లో ‘ది ప్యారడైజ్’ సినిమా సందడి నెలకొంది. బీఆర్ఎస్ వర్కింగ్ ప్రెసిడెంట్ కేటీఆర్, పలువురు బిఆర్ఎస్ నాయకులతో కలిసి ప్రత్యేకంగా ఈ చిత్రాన్ని (KTR The Paradise) వీక్షించారు. సినిమాలో కేసీఆర్ పాత్ర ఆధారంగా రూపొందించిన సీన్స్ రాగానే థియేటర్లో ప్రేక్షకులు, అభిమానులు పెద్ద ఎత్తున ఈలలు, కేకలతో దద్దరిల్లించారు.
ఈ సందర్భంగా కేటీఆర్ సినిమా యూనిట్కు ప్రత్యేకంగా అభినందనలు తెలియజేశారు. “అణిచివేతపై తిరుగుబాటు చేసి పోరాటం సాగించిన అద్భుతమైన కథాంశంతో ఈ చిత్రం రూపుదిద్దుకుంది. సోదరుడు నానికి ప్రత్యేకంగా కంగ్రాట్స్ తెలియజేస్తున్నాను. ఈ కథకు అత్యంత ప్రతిభావంతంగా చక్కటి దృశ్య రూపం ఇచ్చిన దర్శకుడు శ్రీకాంత్ ఓదెలకు నా హృదయపూర్వక శుభాకాంక్షలు” అలాగే నటుడు ప్రియదర్శికి ప్రత్యేక శుభాకాంక్షలు తెలియజేస్తున్నట్లు కేటీఆర్ వెల్లడించారు.
