కలం, వెబ్ డెస్క్: జేఈఈ మెయిన్ (JEE Main 2026) 2026 సెషన్ 1 ఫైనల్ కీ రిలీజ్ అయ్యింది. పేపర్ 1(బీఈ/బీటెక్) కు సంబంధించిన సమాధానాల తుది కీని నేషనల్ టెస్టింగ్ ఏజెన్సీ (ఎన్టీఏ) సోమవారం విడుదల చేసింది. ప్రొవిజనల్ కీపై వచ్చిన అభ్యంతరాలతో 9 ప్రశ్నలను తొలగించింది. ఇందులో ఫిజిక్స్ నుంచి ఏడు కొశ్చెన్స్ ఉండగా, మ్యాథమెటిక్స్ నుంచి 2 ఉన్నాయి. కెమిస్ట్రీ విభాగంలో ఎలాంటి తొలగింపులూ లేవు.
ఫైనల్ కీని https://jeemain.nta.nic.in/ వెబ్సైట్లో చెక్ చేసుకోవచ్చు. (JEE Main 2026) ఫైనల్ కీని డౌన్లోడ్ చేసుకోవచ్చు. కాగా, ఎన్టీఏ ఈసారి రెండు కీ లను అప్లోడ్ చేసింది. ఉదయం కరెక్ట్ ఆప్షన్స్తో కూడిన కీ రిలీజ్ చేయగా, మధ్యాహ్నం కరెక్ట్ ఆప్షన్స్ ఐడీలను విడుదల చేసింది. ఉదయం విడుదల చేసిన వాటిలో దేశ, విదేశీ అభ్యర్థులకు సంబంధించినవి ఉన్నాయి. ఇందులో షిఫ్ట్ వైజ్, డేటా వైజ్గా డొమెస్టిక్, ఇంటర్నేషనల్ క్యాండిటేట్స్ ఫలితాలు వెల్లడించారు. మధ్యాహ్నం దేశ, విదేశాల్లోని సెంటర్ల వారీగా ఫలితాలు రిలీజ్ చేశారు.
ఏ క్షణమైనా ఫలితాలు..
దేశంలోని ప్రతిష్టాత్మక విద్యాసంస్థలైన ఎన్ఐటీలు, ఐఐఐటీలు, కేంద్ర ప్రభుత్వ ప్రాయేజిత జీఎఫ్ఐటీలు, ఐఐటీల్లో బీఈ, బీటెట్, బీఫార్మా, ఆర్కిటెక్ట్లో ప్రవేశానికి జేఈఈ మెయిన్ 2026 సెషన్ 1ను జనవరి 21 నుంచి 29 వరకు నిర్వహించిన సంగతి తెలిసిందే. ఇందులో పేపర్ 1, పేపర్ 2 పరీక్షలు ఆన్లైన్లో నిర్వహించారు. పేపర్ 1(బీఈ/బీటెక్)కు 13లక్షల మందికి పైగా అప్లయ్ చేసుకొని, 95శాతానికి పైగా రాశారు. ప్రొవిజినల్ కీని ఈ నెల 4న విడుదల చేసిన ఎన్టీఏ.. నేడు ఫైనల్ కీ రిలీజ్ చేసింది. షెడ్యూల్ ప్రకారం ఫిబ్రవరి 16 లోపు ఫలితాలు విడుదల చేయాల్సి ఉంది. అందువల్ల ఏ క్షణంలో అయినా తుది ఫలితాలు రావచ్చు.
Read Also: న్యాయవాది స్వప్న హత్యకేసు.. డీజీపీ నివేదిక కోరిన హెచ్ఆర్సీ
Follow Us On: Sharechat
