రాష్ట్రవ్యాప్తంగా దీక్ష దివస్(Deeksha Divas) వేడుకలను బీఆర్ఎస్ ఘనంగా నిర్వహిస్తోంది. ప్రత్యేక తెలంగాణ కోసం కేసీఆర్(KCR) చేపట్టిన 8రోజుల దీక్షను గుర్తు చేసుకుంటూ దీక్ష దివాస్ చేపట్టింది. ఈ మేరకు అన్ని జిల్లాల్లో భారీగా కార్యక్రమాలు చేపట్టారు. దీక్షా దివస్ను పురస్కరించుకుని సిద్దిపేటలో మాజీ మంత్రి హరీష్ రావు(Harish Rao) నేతృత్వంలో భారీ బైక్ ర్యాలీ నిర్వహించారు. కార్యక్రమానికి పెద్ద ఎత్తున బీఆర్ఎస్ నాయకులు, పార్టీ శ్రేణులు హాజరై ర్యాలీకి విశేష స్పందన లభించింది.
రోజు ప్రారంభంలో హరీష్ రావు(Harish Rao) అంబేద్కర్ విగ్రహానికి పూలమాల వేసి నివాళులర్పించారు. అనంతరం సిద్దిపేట రూరల్ పోలీస్ స్టేషన్ నుంచి జిల్లా పార్టీ కార్యాలయం వరకు బైక్ ర్యాలీగా బయలుదేరారు. మార్గమధ్యంలో తెలంగాణ తల్లి విగ్రహానికి, ఆచార్య జయశంకర్ విగ్రహానికి ఘనంగా నివాళులర్పించారు.
Read Also: హాకీ వరల్డ్ కప్లో భారత్ అద్భుత ఆరంభం
Follow Us On : Youtube

