కలం, వెబ్డెస్క్: మనం ఎవరినైనా కలిసిన మొదటి ఏడు సెకన్లలోనే మన వ్యక్తిత్వంపై ఎదుటివారికి ఒక అంచనా వచ్చేస్తుంది. ఆ తక్కువ సమయంలోనే మన ప్రవర్తన మన గురించి ఎన్నో విషయాలను చెబుతుంది. ఒకసారి ఏర్పడిన చెడ్డ అభిప్రాయాన్ని మార్చుకోవడం చాలా కష్టం. అందుకే ఫస్ట్ ఇంప్రెషన్ ఈజ్ ద బెస్ట్ ఇంప్రెషన్ (First Impression is the Best Impression) అంటారు. అయితే ఈ ఫస్ట్ ఇంప్రెషన్ను దెబ్బతీసే ఆ కామన్ అలవాట్లు (Common Habits) ఏంటో, అవి ఎందుకు నష్టాన్ని కలిగిస్తాయో ఇప్పుడు చూద్దాం.
హైజీన్ లేకపోవడం
దుస్తులు మురికిగా ఉండటం, ఒంటి దుర్వాసన లేదా నోటి దుర్వాసన కలిగి ఉండటం వల్ల మీరు అజాగ్రత్తగా ఉంటారని ఎదుటివారు భావిస్తారు. ఇది మీరు ఎదుటి వ్యక్తికి కనీస గౌరవం కూడా ఇవ్వడం లేదని అర్థం చేసుకునే ప్రమాదం ఉంది.
ఎప్పుడూ లేట్ అవ్వడం
ఏదైనా మీటింగ్కు లేదా కలయికకు ఆలస్యంగా వెళ్లడం వల్ల మీకంటే మీ సమయమే ముఖ్యం అనే సంకేతాన్ని ఇచ్చినట్లు అవుతుంది. దీనివల్ల మీరు బాధ్యత లేని వ్యక్తిగా కనిపిస్తారు, మీపై నమ్మకం తగ్గుతుంది.
కళ్లలోకి చూసి మాట్లాడకపోవడం
మాట్లాడేటప్పుడు నేలవైపు లేదా ఎటో చూస్తూ ఉండటం వల్ల మీలో ఆత్మవిశ్వాసం లేదని లేదా మీరు అబద్ధం చెబుతున్నారని అవతలి వ్యక్తికి అనిపిస్తుంది. ఇది మీరు ఆ సంభాషణలో ఆసక్తిగా లేరని కూడా సూచిస్తుంది.
అస్తమానం ఫోన్ చూడటం
ఎదుటివారు మాట్లాడుతుంటే పదే పదే ఫోన్ నోటిఫికేషన్లు చూడటం వల్ల మీరు వారిని అవమానిస్తున్నట్లు అనిపిస్తుంది. ఎదురుగా ఉన్న వ్యక్తి కంటే మీకు ఫోనే ముఖ్యం అనే నెగెటివ్ ఇంప్రెషన్ పడుతుంది.
మధ్యలోనే మాట్లాడటం
ఎదుటి వ్యక్తి మాట పూర్తి కాకముందే మీరు జోక్యం చేసుకోవడం వల్ల మీకు వినే ఓపిక లేదని, కేవలం మీ స్వార్థమే ముఖ్యమని అర్థం వస్తుంది. ఇది మిమ్మల్ని ఒక అహంకారిగా చూపిస్తుంది.
అతిగా ఫిర్యాదులు చేయడం
పరిచయమైన వెంటనే వాతావరణం బాలేదనో, ట్రాఫిక్ ఎక్కువ ఉందనో కంప్లైంట్స్ మొదలుపెడితే మీరు ప్రతికూల ఆలోచనలు ఉన్న వ్యక్తిగా ముద్ర పడతారు. నెగెటివిటీ అనేది ఎవరికైనా త్వరగా విసుగు తెప్పిస్తుంది.
ఓవర్ కాన్ఫిడెన్స్
మీ గురించి మీరు గొప్పలు చెప్పుకోవడం లేదా ‘నేనే తెలివైన వాడిని’ అన్నట్లు ప్రవర్తించడం వల్ల జనం మీతో మాట్లాడటానికి ఇబ్బంది పడతారు. ఆత్మవిశ్వాసం ఆకర్షిస్తే, అహంకారం వ్యక్తులను దూరం చేస్తుంది.
డ్రెస్సింగ్
పరిస్థితికి సంబంధం లేని దుస్తులు ధరించడం వల్ల మీరు ఆ విషయాన్ని సీరియస్గా తీసుకోవడం లేదని అర్థం. ఉదాహరణకు, బిజినెస్ మీటింగ్కు క్యాజువల్ బట్టలు వేసుకెళ్లడం వల్ల మీ వృత్తిపరమైన బాధ్యతపై అనుమానం కలుగుతుంది.
Read Also: AI సర్వర్ల భద్రతకు.. ‘షాడో AI’, ‘డేటా పాయిజనింగ్’ ముప్పు!
Follow Us On: Sharechat
