కలం, వెబ్ డెస్క్ : అరుణాచల్ ప్రదేశ్‌లోని వెస్ట్ కామెంగ్ జిల్లాలో అక్రమ గంజాయి సాగుపై మల్టీ ఏజెన్సీ బృందం దాడి నిర్వహించింది. కలాక్తాంగ్ సబ్‌డివిజన్‌లోని కమ్యూనిటీ భూములలో అక్రమంగా సాగు చేస్తున్న దాదాపు 458 ఎకరాల గంజాయి తోటలను అధికారులు పూర్తిగా ధ్వంసం (Cannabis Eradication) చేశారు.
అక్టోబర్ 26 నుండి నవంబర్ 3 వరకు నిర్వహించిన తొలి విడత సుదీర్ఘ నిరోధక చర్యల్లో భాగంగా 1.37 లక్షల కిలోగ్రాముల కంటే ఎక్కువ బరువున్న గంజాయి మొక్కలను తొలగించి దహనం చేశారు. ప్రాంతంలో మత్తు పదార్థాల వ్యాప్తిని అరికట్టడమే లక్ష్యంగా ప్రభుత్వ యంత్రాంగం, రక్షణ దళాలు సంయుక్తంగా ఈ విస్తృతమైన కార్యాచరణను చేపట్టాయి.
