కలం, స్పోర్ట్స్ : మలేషియాలోని శరవాక్లో గురువారం ప్రారంభమైన 3వ ఆసియా డబుల్స్ స్క్వాష్ ఛాంపియన్షిప్ (Squash Championship) లో భారత్ అదిరిపోయే బోణీ కొట్టింది! గతేడాది మూడు కేటగిరీల్లోనూ ఛాంపియన్లుగా నిలిచిన టీమిండియా.. ఈసారి కూడా అదే జోష్తో టైటిల్ డిఫెన్స్ను సక్సెస్ఫుల్గా స్టార్ట్ చేసింది. మెన్స్ డబుల్స్ పూల్-A లో టాప్ సీడ్స్ అయిన మన అభయ్ సింగ్, వేలవన్ సెంథిల్కుమార్ జోడి ఏమాత్రం తడబడకుండా సౌత్ కొరియాకు చెందిన ఓ సెజోన్, మిన్-వూ లీ ద్వయంపై 11-7, 11-10 తేడాతో సూపర్ విక్టరీ కొట్టేసింది. ఈ మ్యాచ్లో అభయ్ సింగ్ తన పాత ఓటమి (బ్రిటిష్ ఓపెన్లో ఈజిప్ట్ ప్లేయర్ చేతిలో ఓడిపోవడం) తాలూకు నిరాశను పక్కనపెట్టి ఫుల్ కంట్రోల్తో ఆడి గెలిచాడు.
కాగా, మెన్స్ డబుల్స్ పూల్-B లో మరో భారత జోడి రాహుల్ బైథా, సూరజ్ చంద్ సింగపూర్పై గెలిచినా.. జపాన్ చేతిలో మాత్రం 8-11, 11-8, 6-11 తో ఓడిపోయింది. ఇక ఉమెన్స్, మిక్స్డ్ డబుల్స్లో మన స్టార్ ప్లేయర్స్ దుమ్మురేపారు. మిక్స్డ్ డబుల్స్ పూల్-B లో సెకండ్ సీడ్స్ వేలవన్, జోష్న చినప్ప జోడి 11-2, 11-3 తో తైపీ ప్లేయర్లను చిత్తు చేసి గత ఏడాది వచ్చిన బ్రాంజ్ మెడల్ కంటే ఈసారి బెటర్ రిజల్ట్ సాధించాలనే కసితో ముందుకెళ్తోంది. అటు ఉమెన్స్ డబుల్స్ పూల్-B లో సెకండ్ సీడ్స్ జోష్న చినప్ప, రాధిక శీలన్ జోడి ఏకంగా మూడు మ్యాచ్లు గెలిచి హ్యాట్రిక్తో రచ్చ లేపింది.
వీరు సింగపూర్, జపాన్ జట్లతో పాటు.. తోటి భారతీయులైన జానెట్ విధి, పూజ ఆర్తిలపై కూడా విజయం సాధించారు. అయితే, జానెట్, పూజ జోడి మిగిలిన రెండు మ్యాచ్ల్లో మాత్రం అదిరిపోయే కంబ్యాక్ ఇచ్చింది. కోర్టులో జానెట్ కదలికలు, పూజ ముగింపు షాట్లతో జపాన్, సింగపూర్ జోడీలను ఓడించి సత్తా చాటారు. కాగా, టీనేజ్ సంచలనం అనాహత్ సింగ్ వచ్చే నెల కెనడాలో జరిగే వరల్డ్ జూనియర్ ఛాంపియన్షిప్ కోసం ఈ టోర్నీకి దూరంగా ఉంది. రాబోయే మ్యాచ్ల్లో కూడా ఇదే జోరు కొనసాగితే భారత్కు మరిన్ని మెడల్స్ వచ్చే ఛాన్స్ ఉంది.
