తన గ్లామర్తో ప్రేక్షకులను కట్టిపడేసి స్టార్ హీరోయిన్ హోదా అందుకున్న నటి రాశీ ఖన్నా(Rashi Khanna). కాగా ప్రస్తుతం రాశీ తన యాక్టింగ్ కెరీర్ దిశను మార్చుకోవాలని నిర్ణయించుకుంది. పాత్రలను ఎంచుకునే విషయంలో కొన్ని కండిషన్లు పెట్టుకుంది. తన కంఫర్ట్ జోన్కి పూర్తిగా విరుద్ధంగా ఉంటే, అది ఎంత పెద్ద పాత్ర అయినా నో చెప్పేయడం ఈ కండిషన్లలో భాగం. తాజాగా ఓ ఇంటర్వ్యూలో పాల్గొన్న రాశీ తన నిర్ణయాన్ని వివరించింది. నటనకు ప్రాధాన్యం ఉన్న, కథకు బలం చేకూర్చే పాత్రలనే ఎంచుకోవాలని ఫిక్స్ అయిందని తెలిపింది.
‘‘దక్షిణాదిలో చాలా కమర్షియల్ సినిమాలు చేశాను. వాటితో మంచి గుర్తింపు వచ్చింది,’’ అని చెప్పిన రాశీ, ఇకపై పాత్రల విషయానికి వస్తే ఆచితూచి ముందుకు సాగాలని నిర్ణయించుకున్నట్లు చెప్పింది. తన నటనకు ఛాలెంజ్గా అనిపించే, కథా ప్రాధాన్యం ఉన్న పాత్రలపై దృష్టి పెట్టనున్నట్లు తెలిపింది. కమర్షియల్ చిత్రాలు ఇష్టమే అయినా ప్రతి విషయంలో ఒక హద్దు ఉంటుందని స్పష్టం చేసింది.
‘‘నేను చేసే పాత్రలో నాకు కంఫర్ట్ ఉండాలి. కొన్నిసార్లు కొన్ని పాత్రలు నా లిమిట్ను దాటి వెళ్లేలా ఉంటాయి. అలాంటి పాత్రలకు సందేహం లేకుండా నో చెప్పేస్తా. ఏదైనా పాత్రలో నేను దిగజారినట్లు కనిపిస్తానని అనిపించినా వాటిని చేయను. నాకు నచ్చని పాత్రలను ఎట్టి పరిస్థితుల్లో చేయను,’’ అని రాశీ(Rashi Khanna) స్పష్టం చేసింది.
Read Also: సంధ్య థియేటర్ దగ్గర ఉద్రిక్తత.. టికెట్ రేట్లపై సంతకాల సేకరణ
Follow Us On : Youtube
