ఓటర్ల జాబితా ప్రత్యేక సమగ్ర సవరణ(SIR) సర్వే ఎన్నికల సిబ్బంది ప్రాణాలు తీస్తోంది. రెండో దశలో ఇప్పటివరకు 16 మందిని ‘సర్’ బలితీసుకుంది. ఈ మేరకు సర్వే జరుగుతున్న రాష్ట్రాల్లో జరిగిన మరణాలను బట్టి తెలుస్తోంది. తీరికలేని పనికి తోడు, గడువులోగా పూర్తిచేయాలనే నిబంధన, సస్పెన్షన్ భయం వంటివి ఎన్నికల సిబ్బంది ఆత్మహత్యకు కారణమవుతున్నట్లు సర్వే నిర్వహిస్తున్న సిబ్బంది అంటున్నారు. అయితే, దీనిపై ఎన్నికల సంఘం మాత్రం నోరు విప్పడం లేదు. కాగా, రెండో దశలో తొమ్మిది రాష్ట్రాలు, మూడు కేంద్ర పాలిత ప్రాంతాల్లో ‘సర్’ సర్వే ఈ నెల 4న ప్రారంభమైంది. వచ్చే నెల 4వరకు జరగుతుంది. ఆ తర్వాత ముసాయిదా, తుది జాబితా వెల్లడిస్తారు.
అయితే, సర్వే జరుగుతున్న ఉత్తరప్రదేశ్ లో నలుగురు, మధ్యప్రదేశ్ లో ఎనిమిది మంది, రాజస్థాన్ లో నలుగురు ఎన్నికల సిబ్బంది ‘SIR’ పని ఒత్తిడి కారణంగా బలవన్మరణానికి పాల్పడ్డారు. ఉత్తరప్రదేశ్ లో అయితే గత రెండు రోజుల్లోనే ముగ్గురు ఆత్మహత్య చేసుకున్నారు. ఇందులో యూపీలోని గోండా జిల్లాకు చెందిన ఎన్నికల సూపర్ వైజర్ విపిన్ యాదవ్.. తన పై అధికారులయిన సబ్ డివిజనల్ మేజిస్ట్రేట్(ఎస్.డి.ఎమ్), బ్లాక్ డెవలప్మెంట్ఆఫీసర్(బీడీవో), లేఖ్పాల్(ఎమ్మార్వో స్థాయి అధికారి)ల ఒత్తిడి కారణంగానే తాను ఆత్మహత్యకు పాల్పడుతున్న సోషల్ మీడియా ద్వారా వెల్లడించడం కలకలం రేపింది.
అలాగే, ఇదే రాష్ట్రంలో బీఎల్వో(బూత్ లెవెల్ ఆఫీసర్) సుధీర్ కుమార్ తన పెళ్లికి ముందు రోజు ఆత్మహత్య చేసుకున్నారు. పెళ్లికి సెలవు ఇవ్వకపోగా, ముందు రోజు తమ ఇంటికి ఒక అధికారి వచ్చి తన అన్నను బెదరించడమే దీనికి కారణమని సుధీర్ కుమార్ చెల్లెలు అంటున్నారు. ‘సర్వే సకాలంలో పూర్తి చేయాలని మాపై తీవ్ర ఒత్తిడి ఉంది. అనారోగ్య సమస్యలు వచ్చినా, కుటుంబంలో ఎవరైనా చనిపోయినా సరే సెలవు తీసుకోకుండా పని చేయాలని ఉన్నతాధికారులు ఒత్తిడి చేస్తున్నారు. లేకపోతే సస్పెండ్ చేస్తామని బెదిరిస్తున్నారు.’ అంటూ సర్వేలో పాల్గొంటున్న కిందిస్థాయి సిబ్బంది వాపోతున్నారు.
Read Also: ఆన్‌లైన్ కంటెంట్ బాధ్యత ఎవరో ఒకరు తీసుకోవాలి: సుప్రీం
Follow Us on: Youtube
 సర్వే ఎన్నికల){kind=link}