తెలంగాణ డీజీపీ కార్యాలయం(DGP Office) దగ్గర హైటెన్షన్ వాతావరణం నెలకొంది. అయ్యప్ప దీక్షలో ఉన్న పోలీసు సిబ్బంది యూనిఫాంతో పాటు మాల ధరించడానికి వీలులేదని తాజాగా ఆంక్షలు పెట్టారు. ఈ ఆంక్షలపై అయ్యమ దీక్ష తీసుకున్న అయ్యప్ప స్వాములు తీవ్ర అసంతృప్తి వ్యక్తం చేశారు. ఈ క్రమంలోనే అయ్యప్ప మాల ధరించిన స్వాములు, బీజేవైఎం కార్యకర్తలు కలిసి కార్యాలయాన్ని ముట్టడించడానికి ప్రయత్నించారు. దీంతో అక్కడ ఉద్రిక్త పరిస్థితులు నెలకొన్నాయి.
DGP Office | తాజాగా తీసుకొచ్చిన నిబంధనలు “హిందువుల మనోభావాలను దెబ్బతీసేలా ఉన్నాయి” అని వారు ఆరోపించారు. అయ్యప్ప స్వాములు ముట్టడిని అడ్డుకునేందుకు పోలీసులు ముందుకు రావడంతో స్వాములు, పోలీసుల మధ్య తోపులాట చోటుచేసుకుంది. పరిస్థితిని అదుపులోకి తెచ్చేందుకు పోలీసులు కొందరిని అదుపులోకి తీసుకున్నారు. ఈ సందర్భంగానే పోలీసుల్లో అయ్యప్ప మాల ధారణను ఆపడం అన్యాయం దీక్ష తీసుకున్న అయ్యప్ప భక్తులు వ్యతిరేకించారు. మతాచారాలకు విఘాతం కలిగించే ఆంక్షలను వెంటనే ఉపసంహరించాలి అని డిమాండ్ చేశారు.
Read Also: గ్రూప్ 2 నియామకాలపై తెలంగాణ హైకోర్టు సంచలన తీర్పు
Follow Us on : Pinterest
