సోనియా గాంధీ(Sonia Gandhi)పై మహారాష్ట్ర ఎంఐఎం చీఫ్ ఇంతియాజ్ జలీల్(Imtiaz Jaleel) ఘాటు వ్యాఖ్యలు చేశారు. రాహుల్‌పై విమర్శనాస్త్రాలు సంధిస్తూ సోనియా ఉద్దేశించి ఆయన చేసిన వ్యాఖ్యలు తీవ్ర చర్చలకు దారితీస్తున్నాయి. హైదరాబాద్ నుంచి బీహార్ ఎన్నికల్లో ఒవైసీ ఎందుకు ప్రచారం చేస్తున్నారని రాహుల్ గాంధీ అడుగుతున్నారని జలీల్ గుర్తు చేశారు. కానీ తాము మాత్రం రాహుల్ గాంధీ తల్లి ఇటలీ నుండి ఇండియాకు ఎందుకు వచ్చారని అడగడం లేదు కదా అని ఆయన చురకలంటించారు. ఎవరు ఎక్కడి వచ్చి ప్రచారం చేసుకుంటే రాహుల్‌కు భయమెందుకు అని ఎద్దేవా చేశారు.
అయితే బీహార్ ఎన్నికలప్పుడు వాటిలో ఎంఐఎం పోటీ కీలకంగా మారింది. జేఎస్‌పీ వ్యవస్థాపకుడు ప్రశాంత్ కిషోర్ సైతం.. ఒవైసీ బీహార్‌కు ఎందుకు వస్తున్నారని, ముందు ఆయన హైదరాబాద్‌ను సరిగ్గా చూసుకోవలని హితవు పలికారు. అదే విధంగా కాంగ్రెస్ నేత రాహుల్ గాంధీ కూడా అసలు ఒవైసీ ఇక్కడకెందుకు వస్తున్నారని ప్రశ్నించారు. వాటికి బదులుగానే తాజాగా మహారాష్ట్రలో నిర్వహించిన ఓ కార్యక్రమంలో జలీల్(Imtiaz Jaleel) స్పందించారు.
Read Also: ఢిల్లీ పేలుడు ఘటన కేసులో మరో అరెస్ట్
Follow Us on: Youtube
