కలం, మెదక్ బ్యూరో: మెదక్ (Medak) జిల్లా నర్సాపూర్ (మం) కాగజ్ మద్దూర్లోని మరిడి బయో ఇండస్ట్రీస్లో అక్రమంగా నిల్వ ఉంచిన విదేశీ మద్యం కేసుపై అనేక అనుమానాలు నెలకొన్నాయి. హైదరాబాద్లో పట్టుబడ్డ విదేశీ మద్యం బాటిళ్లను ధ్వంసం చేయడానికి కస్టమ్స్ అధికారులు తీసుకొచ్చారు. సుమారు 40 లక్షలకుపైగా విలువైన 783 విదేశీ మద్యం బాటిళ్లను (Foreign Liquor Bottles) ధ్వంసం చేయకుండా ఉద్యోగులు దాచిపెట్టారు. ఈ విషయమై మంగళవారం ఎక్సైజ్, ఎన్ఫోర్స్ మెంట్ అధికారులు దాడి చేసి మద్యం బాటిళ్లను స్వాధీనం చేసుకున్నారు.
మెదక్ (Medak) జిల్లా ఎక్సైజ్ సూపరింటెండెంట్ శ్రీనివాసరెడ్డి కేసు వివరాలను తెలిపారు. మరిడి బయో ఇండస్ట్రీస్లో ఆస్పత్రుల వ్యర్థాలను ధ్వంసం చేస్తారు. అలాగే అక్రమ గంజాయి, మద్యం, విదేశీ మద్యం బాటిల్స్ ఇక్కడే ధ్వంసం చేస్తారు. గత నెలలో హైదరాబాద్ (Hyderabad)లో విదేశీ మద్యం పట్టుబడితే తరలించారు. ఇండస్ట్రీస్లో పనిచేస్తున్న ఉద్యోగులు అభయ్ కుమార్, షేక్ నాగుల్, మీరాకుమార్, సాయి రాజేశ్ దాచిపెట్టారు. విదేశీ మద్యం తాగినట్టు కూడా ఆరోపణలున్నాయి. ఈ నేపథ్యంలో పోలీసులు తనిఖీలు చేసి భారీగా విదేశీ మద్యాన్ని సీజ్ చేశారు. ఈ ఘటనలో ఉద్యోగుల చేతివాటమా లేక అధికారుల నిర్లక్ష్యమా అనేది తెలియాల్సి ఉంది.
-మెదక్ జిల్లా విదేశీ మద్యం కేసులో ట్విస్ట్
-సీజ్ చేసిన బాటిళ్లను తాగారా? అనేక అనుమానాలు
-783 బాటిళ్లు ధ్వంసం చేయకుండా దాచారా?https://t.co/ocZACk3nNx#Medak #ForeignLiquorBottles #MaridiBioUndustries #ExciseDepartment #Kalam #Kalamdaily #kalamTelugu #KalamPaper pic.twitter.com/2MYDnUbmdX— Kalam Daily (@kalamtelugu) February 24, 2026
Read Also: వరంగల్ జిల్లాలో బయటపడ్డ భారీ కాలేజ్ స్కామ్
Follow Us On: X(Twitter)
