స్మృతి మందానా(Smriti Mandhana), పలాష్ ముచ్ఛల్(Palash Muchhal).. ప్రస్తుతం సోషల్ మీడియాలో హాట్ టాపిక్‌గా నిలుస్తున్న జంట. టీమిండియా మహిళల జట్టులో స్మృతి చాలా ప్రత్యేకం. లేడీ కోహ్లీ అని అభిమానులు పిల్చుకుంటారు. ఆ అమ్మడి ప్రియుడే పలాష్.. వీరిద్దరు ఇప్పుడు పెళ్లి పీటలెక్కడానికి రెడీ అవుతున్నారు. ఇరు కుటుంబాల్లో పెళ్లి సందడి కూడా స్టార్ట్ అయిపోయింది. శుక్రవారం డీవై పాటిల్ స్టేడియంలో స్మృతికి పలాష్.. మ్యారేజ్ ప్రపోజ్ చేయడంతో ఈ క్యూట్ కపుల్ టాక్ ఆఫ్ ది నేషన్‌గా నిలిచారు. వీరికి అభిమానులు కంగ్రాట్స్ చెప్తున్నారు. పలాజ్ ప్రపోజల్ వీడియో సోషల్ మీడియాను షేక్ చేస్తోంది. అయితే అసలు వీరి ప్రేమాయణం ఎప్పుడు? ఎలా మొదలైందో తెలుసా? పెద్దపెద్ద మార్పులకు చిన్నచిన్న పరిచయాలు కారణం అవుతాయని ఇంగ్లీష్ ఫిలాసఫర్ ఒకరు చెప్పారు. దానికి వీరి ప్రేమ అతిపెద్ద నిదర్శనం.
ఇద్దరిదీ ఒకే ప్రొఫెషన్ కాదు. ఒకరికొకరు చిన్నప్పటి నుంచి తెలుసా అంటే అదీ లేదు. కానీ 2019 నుంచి వీరు ప్రేమలో ఉన్నారు. బయట ప్రపంచానికి తెలియకుండా అత్యంత సీక్రెట్‌గా స్మృతి ఉంచిన విషయం ఇదే కాబోలు. 2019లో యాదృచ్ఛికంగా వీరు కలిశారు. ఓ ప్రైవేట్ పార్టీలో పలాష్ తను కొత్తగా కంపోజ్ చేసిన మ్యూజికల్ ట్రాక్‌ను ప్రెజెంట్ చేశాడు. అప్పటి ఆ ట్రాక్ ఇంకా రిలీజ్ కూడా కాలేదు. ఆ మ్యూజిక్‌కు స్మృతి ఫిదా అయిపోయింది. అప్పుడే వారిద్దరికీ పరిచయం ఏర్పడింది. ఆ పరిచయం చాలా త్వరగానే ప్రేమగా మారింది. బాలీవుడ్‌లో మంచి పేరు తెచ్చుకుంటున్న మ్యూజిక్ కంపోజన్ పలాష్ ముచ్చల్, ఇక స్మృతి స్టార్ డమ్ గురించి తెలిసిందే. అయినా ఎందుకో వీళ్లు తమ రిలేషన్‌ను సీక్రెట్‌గా ఉంచారు.
కానీ ఫ్యాన్స్ ఏమైనా తక్కువ వాళ్లా.. వాళ్ల డిటెక్టివ్ స్కిల్స్ అన్నీ వాడి.. స్మృతి మందానాకు బాయ్ ఫ్రెండ్ ఉన్నాడని తేల్చేశారు. అదే సమయంలో 2024లో వాళ్లు తమ రిలేషన్‌ను వెల్లడించారు. దాంతో ఫ్యాన్స్ అంతా ఫుల్ ఖుష్ అయ్యారు. ఇప్పుడు తాజాగా ప్రేమలో పడిన ఐదు సంవత్సరాల తర్వాత 21 నవంబర్ 2025న.. మహిళల క్రికెట్ వరల్డ్ కప్ ఫైనల్ మ్యాచ్‌కు వేదికయిన డీవై పాటిల్ స్టేడియంలో స్మృతి(Smriti Mandhana)కి పలాష్ ఓ సర్‌ప్రైజ్ ఇచ్చాడు. అదే మ్యారేజ్ ప్రపోజల్. దాన్ని స్మృతి వెంటనే ఓకే చేసేసింది.
స్మృతికి ఉన్న అతిపెద్ద చీర్‌లీడర్ ఎవరు అంటే? అది పలాష్ అనే చెప్పాలి. ప్రతి మ్యాచ్‌లో స్మతికి తోడుగా ఉన్నాడు. అది ఓటమయినా, గెలుపు అయినా.. ఎప్పుడూ వెన్నంటే ఉంటూ స్మృతికి ధైర్యం చెప్తూ వచ్చాడు. వరల్డ్ కప్ విజయాన్ని కూడా స్మృతితో కలిసి పలాష్ అంతే సెలబ్రేట్ చేసుకున్నాడు. ప్రస్తుతం వీరిద్దరి కుటుంబాల్లో పెళ్లి హడావుడీ ఉంది. హల్దీ ఈవెంట్ జరుగుతోంది.
Read Also: టాకోఫోబియా అంటే ఏంటి? ఎందుకు వస్తుంది? ఎలా నివారించాలి?
Follow Us on: Youtube
