టాటా మోటర్స్(Tata Motors) కార్లపై భారీ డిస్కౌంట్ ప్రకటించింది. హారియర్, సఫారీ, కర్వ్, ఆల్ట్రోజ్, నెక్సాన్, పంచ్, టియాగో, టిగోర్‌ వంటి పాపులర్‌ మోడళ్లపై భారీ తగ్గింపులు అందిస్తోంది. ‘సియెరా’ న్యూ మోడల్‌కు ముందు ఈ రాయితీలను ప్రకటించడం గమనార్హం. కంపెనీ వెల్లడించిన వివరాల ప్రకారం క్యాష్‌ డిస్కౌంట్లు, ఎక్స్ఛేంజ్‌ బోనస్‌, కార్పొరేట్‌ ప్రయోజనాల రూపంలో గరిష్టంగా రూ. 1.75 లక్షల వరకు తగ్గింపులు లభించనున్నాయి. హారియర్, సఫారీ మోడళ్లలోని మిడ్‌-స్పెక్‌ ‘అడ్వెంచర్‌’ వేరియంట్లపై అత్యధికంగా రూ. 1.75 లక్షల వరకూ రాయితీ ప్రకటించింది. ఎంట్రీ లెవల్‌ ‘స్మార్ట్‌’ వేరియంట్లకు రూ. 50,000, ‘ప్యూర్‌’ మోడళ్లకు రూ. 1.25 లక్షల మేర తగ్గింపు అందిస్తోంది.
ఆల్ట్రోజ్ ప్రీ-ఫేస్‌లిఫ్ట్‌ వేరియంట్ల కొనుగోలు దారులకు రూ. 1 లక్ష తగ్గింపు లభించనుంది. స్పోర్టీ డిజైన్‌తో వచ్చే ఆల్ట్రోజ్ ‘రేసర్‌’ మోడల్‌పై రూ. 1.35 లక్షల వరకూ ఆఫర్‌ ప్రకటించింది. దేశంలో అత్యధికంగా అమ్ముడైన ఎస్‌యూవీలలో ఒకటైన నెక్సాన్ కొనుగోలుపై రూ. 45,000 వరకూ బెనిఫిట్స్‌ లభిస్తాయి. అంతేకాక 2025 మోడల్‌ కొనుగోలుపై అదనంగా రూ. 20,000 లాయల్టీ బోనస్‌ అందుబాటులో ఉంది. ఇక కర్వ్ 2024 మోడళ్లపై రూ. 30,000, 2025 మోడళ్లపై రూ. 40,000 తగ్గింపు లభించనుంది. పాపులర్‌ మైక్రో ఎస్‌యూవీ పంచ్ 2025 మోడల్‌పై రూ. 40,000 వరకూ రాయితీ ప్రకటించింది. టియాగోపై రూ. 25,000–40,000 మధ్య, టిగోర్‌పై రూ. 30,000–45,000 మధ్య తగ్గింపులు వర్తించనున్నాయి. ఈ ఆఫర్లు నగరం, డీలర్‌షిప్‌, స్టాక్‌ లభ్యతపై ఆధారపడి మారవచ్చని టాటా మోటార్స్‌(Tata Motors) స్పష్టం చేసింది.
Read Also: అరెస్టు చేసేంత ధైర్యం సీఎం రేవంత్‌కు లేదు
Follow Us on: Youtube
