కలం, వెబ్ డెస్క్ : 16 ఏళ్ల లోపు ఉన్న పిల్లలు సామాజిక మాధ్యమాలను వినియోగించకుండ కట్టడి (Social Media Ban) చేయాలని జనసేన ఎమ్మెల్సీ నాగబాబు (Naga Babu) అన్నారు. శుక్రవారం ఏపీ మండలిలో సోషల్ మీడియా వల్ల జరుగుతున్న దుష్పరిణామాలపై మాట్లాడారు. సోషల్ మీడియా కట్టడికి ప్రత్యేక చట్టాలు రూపొందించాల్సిన అవసరం ఉందని ఆయన అభిప్రాయపడ్డారు. 16 సంవత్సరాల లోపున్న పిల్లలకు మంచిచెడుల మధ్య ఉన్న తేడాలను అర్థం చేసుకోలేరన్నారు. అస్ట్రేలియా, డెన్మార్క్, ఫ్రాన్స్, యూరప్ దేశాల్లో 16ఏళ్ల లోపున్న పిల్లలు సోషల్ మీడియా వాడకంపై బ్యాన్ విధించారని.. ఇక్కడ కూడా అలాంటి చర్యలు తీసుకోవాలని కోరారు.
ప్రాణాంతకమైన సోషల్ మీడియా ఛాలెంజ్ లతో ఎంతో మంది పిల్లలు తనువు చాలించారని నాగబాబు ఆవేదన వ్యక్తం చేశారు. అలాగే, చిన్నారులు అనేక ఒత్తిళ్లు, మానసిక ఆందోళనకు గురవుతున్నారన్నారు. స్కూళ్లలో పిల్లలకు ఇచ్చే ట్యాబుల్లో సోషల్ మీడియాకు సంబంధించిన యాప్ లు వినియోగించరాకుండా చర్యలు (Social Media Ban)) తీసుకోవాలన్నారు. ఐటీ, పోలీస్, విద్యాశాఖ సమన్వయం చేసుకుని సోషల్ మీడియాలో జరుగుతున్న అరాచకాలను అడ్డుకట్ట వేయాలని సూచించారు. పాఠశాలల్లో పిల్లల తల్లిదండ్రులకు సోషల్ మీడియా వల్ల వచ్చే అనర్థాలపై అవగాహన కల్పించాలని నాగబాబు కోరారు.
Read Also: బీజేపీ మంత్రికి చుక్కలు చూపించిన మహిళా ఎస్పీ.. అధికారిణిపై నెటిజన్ల ప్రశంసలు
Follow Us On: Sharechat
