కలం, వెబ్ డెస్క్ : ఆన్ లైన్ లో వస్తువులు, ఫుడ్ ఆర్డర్ చేస్తున్నారా? అయితే, మీకు బ్యాడ్ న్యూస్ అనే చెప్పాలి. రేపు ఆన్ లైన్ డెలివరి యాప్ లు బంద్ కానున్నాయి. తమ డిమాండ్ల సాధన కోసం గిగ్ వర్కర్లు సోమవారం దేశవ్యాప్తంగా మరోసారి ఆందోళనకు (Gig Workers Strike) దిగనున్నట్లు ప్రకటించారు. ఆన్ లైన్ యాప్ లు ఆఫ్ చేసి నిరసన తెలపనున్నారు. గిగ్ వర్కర్ల కోసం ప్రత్యేక చట్టం తీసుకురావాలని డిమాండ్ చేస్తూ ఈ నిర్ణయం తీసుకున్నారు. కారణం లేకుండా ఐడీ బ్లాక్ చేయడం, రేటింగ్, ఆటో సైన్ ఆఫ్ నిబంధనలకు వ్యతిరేకంగా నిరసన తెలుపుతున్నారు. వేతనాల పెంచాలని, ముందస్తు కటింగ్ చేయొద్దని కోరుతున్నారు. ఫిబ్రవరి 3న ఆఫ్ లైన్ ధర్నాకు గిగ్ వర్కర్ల సంఘం పిలుపునిచ్చింది.
