కలం, వెబ్ డెస్క్: అమెరికా అధ్యక్షుడు డొనాల్డ్ ట్రంప్ (Trump) ప్రతినిత్యం వార్తలో నిలుస్తున్నారు. ఒకవైపు టారిఫ్లతో భయపెడుతూ.. మరోవైపు ఇతర దేశాలపై దాడులు చేస్తూ తన పంతం నెగ్గించుకుంటున్నారు. దీంతో ట్రంప్ నెక్ట్స్ ఏంచేబోతున్నారు? అనేది ఆసక్తిగా మారుతోంది. భారత ప్రధాని మోదీనుద్దేశించి ‘నేను సంతోషంగా లేను’ అంటూ ఆయన చేసిన కామెంట్స్ వైరల్ అయ్యాయి. మరోసారి ఆయన ఫన్నీ కామెంట్స్ చేశారు. ‘‘తాను డాన్స్ చేస్తుంటే అందరూ ఇష్టపడతారని.. కానీ, నా భార్య మెలానియాకు మాత్రం నేను డాన్స్ చేస్తే నచ్చదు”అని ట్రంప్ అన్నారు.
అధ్యక్షుడి హోదాలో ఉన్నవారు బహిరంగ సమావేశాల్లో డాన్స్ (Dance) చేయడం బాగుండదని మెలానియా అభిప్రాయమని ట్రంప్ తెలిపారు. అయితే అమెరికాలో జరిగే పలు అధికారిక కార్యక్రమాల్లో ట్రంప్ డాన్స్ చేస్తున్న వీడియోలు సోషల్ మీడియాలో వైరల్ (Viral) అవుతున్నాయి.
