కలం, వెబ్ డెస్క్ : ఉమ్మడి ఆంధ్రప్రదేశ్ సహా రాష్ట్రవ్యాప్తంగా వివిధ ప్రాంతాల్లోని 92 పట్టణ స్థానిక సంస్థలకు సంబంధించి మున్సిపల్ ఎన్నికల (AP Municipal Elections) ఓట్ల లెక్కింపు నేడు ఉదయం 8 గంటలకు ప్రారంభమైంది. మొత్తం 13 కార్పొరేషన్లు, 79 మున్సిపాలిటీలు, నగర పంచాయతీల పరిధిలోని 3,186 వార్డులకు ఈ కౌంటింగ్ ప్రక్రియ కొనసాగుతోంది. ఎలాంటి అవాంఛనీయ సంఘటనలు జరగకుండా అధికారులు పకడ్బందీ ఏర్పాట్లు చేశారు.
రాష్ట్రవ్యాప్తంగా 138 కౌంటింగ్ కేంద్రాలను ఏర్పాటు చేయగా, వాటిలో 556 హాళ్లు మరియు 6,831 టేబుళ్లను సిద్ధం చేశారు. కేవలం మున్సిపాలిటీలు, నగర పంచాయతీల పరిధిలోనే 2,805 కౌంటింగ్ టేబుళ్లను ఏర్పాటు చేశారు. ఈ మొత్తం కౌంటింగ్ ప్రక్రియలో 47,817 మంది సిబ్బంది విధులను నిర్వర్తిస్తున్నారు. పారదర్శకత కోసం స్ట్రాంగ్ రూమ్‌లు, కౌంటింగ్ హాళ్లలో పూర్తిస్థాయిలో సీసీ కెమెరాలను ఏర్పాటు చేసి నిరంతరం పర్యవేక్షిస్తున్నారు.
