కలం, వెబ్ డెస్క్ : సిద్దిపేట జిల్లా (Siddipet District) ఆవిర్భావానికి పదేళ్లు పూర్తవుతున్న సందర్భంగా జిల్లా వ్యాప్తంగా ‘పదేళ్ల పండుగ’ను ఘనంగా నిర్వహించుకోవాలని బీఆర్ఎస్ ఎమ్మెల్యే హరీశ్ రావు (Harish Rao) పిలుపునిచ్చారు. నాడు ప్రజల నినాదాలు, ఆకాంక్షలుగా ఉన్న ఎన్నో కలలు.. నేడు సాకారమై అభివృద్ధి ఫలాలను అందుకొంటుందన్నారు. 2016 అక్టోబర్ 11న జిల్లాను కేసీఆర్ ప్రారంభించి పది సంవత్సరాలు అవుతున్నందున్న అక్టోబర్ 9 నుంచి 11వ తేదీ వరకు మూడు రోజుల పాటు పదేళ్ల పండుగ కార్యక్రమాలు అత్యంత వైభంగా నిర్వహించుకోవాలని పిలుపునిచ్చారు.
జిల్లా (Siddipet District) ఆవిర్భావం నుంచి ఇప్పటివరకు సాధించిన ప్రగతి, అభివృద్ధిని గుర్తు చేసుకుంటూ వివిధ కార్యక్రమాలను నిర్వహించాలని హరీశ్ రావు కోరారు. ఈ దశాబ్ది వేడుకల్లో జిల్లా ప్రజలందరూ భాగస్వాములు కావాలన్నారు. ప్రజల భాగస్వామ్యంతో పదేళ్ల పండుగను విజయవంతంగా నిర్వహించి సిద్దిపేట జిల్లా ప్రస్థానాన్ని ఘనంగా చాటుకుందామని హరీశ్ రావు విజ్ఞప్తి చేశారు.
Also Read : శ్రీశైలం నీటి పోరు: తెలంగాణ సర్కార్ కీలక అడుగులు!
Follow Us On: Youtube
