క‌లం, స్పోర్ట్స్‌: రెడ్‌బుల్ డ్రైవర్ మ్యాక్స్ వెర్స్టాపెన్ (Max Verstappen) దుమ్మురేపాడు. 2026 ఫార్ములా వన్ సీజన్‌లో తొలిసారి పోల్ పొజిషన్ సాధించాడు. సెపాంగ్ ఇంటర్నేషనల్ సర్క్యూట్‌లో జరిగిన బహ్రెయిన్ గ్రాండ్ ప్రీ క్వాలిఫయింగ్‌లో అగ్రస్థానంలో నిలిచాడు. 1 నిమిషం 35.130 సెకన్లలో ల్యాప్ పూర్తి చేశాడు. వెర్స్టాపెన్‌కు ఫెరారీ డ్రైవర్ లూయిస్ హామిల్టన్ గట్టి పోటీ ఇచ్చాడు. 1:35.428 టైమింగ్‌తో రెండో స్థానంలో నిలిచాడు. వెర్స్టాపెన్‌కు హామిల్టన్‌కు మధ్య 0.298 సెకన్ల తేడా ఉంది. రెడ్‌బుల్‌కే చెందిన ఇసాక్ హడ్జర్ 1:35.558 టైమింగ్‌తో మూడో స్థానంలో నిలిచాడు.
అయితే హడ్జర్ మూడో స్థానం నుంచి రేసును ప్రారంభించడు. సీజన్‌లో అనుమతించిన ఇంజిన్ పరిమితిని మించడంతో అతడికి ఐదు స్థానాల గ్రిడ్ పెనాల్టీ పడింది. దీంతో హడ్జర్ ఎనిమిదో స్థానం నుంచి రేసును ప్రారంభించనున్నాడు. కిమీ ఆంటోనెల్లి మూడో స్థానానికి, చార్లెస్ లెక్లెర్క్ నాలుగో స్థానానికి ముందుకు వస్తారు. మెర్సిడెస్‌కు మాత్రం క్వాలిఫయింగ్‌లో ఆశించిన ఫలితం దక్కలేదు. ఛాంపియన్‌షిప్ లీడర్ కిమీ ఆంటోనెల్లి నాలుగో స్థానంలో నిలిచాడు. అతడి ప్రధాన టైటిల్ ప్రత్యర్థి జార్జ్ రస్సెల్ ఎనిమిదో స్థానంతో సరిపెట్టుకున్నాడు. హడ్జర్ పెనాల్టీ కారణంగా ఆంటోనెల్లి, రస్సెల్ ఇద్దరికీ గ్రిడ్‌లో ఒక్కో స్థానం మెరుగవుతుంది.
