కలం, స్పోర్ట్స్ : యుఎఫ్సి స్టార్ కానర్ మెక్గ్రెగర్ (Conor McGregor) తిరిగొచ్చేందుకు అనువైన దిశను ఆయన మాజీ ప్రత్యర్థి జోస్ ఆల్డో (Jose Aldo) సూచించారు. గతంలో వీరిద్దరి మధ్య తీవ్రమైన పోటీ ఉండేది. 2015లో జరిగిన మ్యాచ్లో మెక్గ్రెగర్ కేవలం 13 సెకన్లలోనే ఆల్డోను నాకౌట్ చేశారు. అయితే ఆ పాత వైరాన్ని పక్కనబెట్టి, మెక్గ్రెగర్ మళ్లీ లైట్వెయిట్ కేటగిరీకి రావాలని ఆల్డో అభిప్రాయపడ్డారు.
ఈ ఏడాది జూలైలో జరిగిన మ్యాచ్లో మెక్గ్రెగర్ తీవ్రంగా గాయపడ్డారు. ఆయన మోకాలి ఎసిఎల్, మెనిస్కస్ దెబ్బతినడంతో ఆగస్టులో సర్జరీ జరిగింది. ప్రస్తుతం ఆయన గాయం నుంచి వేగంగా కోలుకుంటున్నారు. మెక్గ్రెగర్ 2027 వేసవి నాటికి రంగంలోకి తిరిగొచ్చేందుకు సిద్ధమవుతున్నారు. కానర్ కాంట్రాక్ట్లో ఇదే చివరి మ్యాచ్ కానుంది. మెక్గ్రెగర్ (Conor McGregor) శరీరాకృతికి 155 పౌండ్ల విభాగం సరైనదని ఆల్డో పేర్కొన్నారు.
దీనికోసం ఆయన సరైన ఆహార నియమాలు పాటించాల్సి ఉంటుందన్నారు. లైట్వెయిట్ విభాగంలో(UFC Lightweight Division) ఒకే ఒక్క మ్యాచ్ గెలిచినా మెక్గ్రెగర్ నేరుగా టైటిల్ రేసులోకి వస్తారని తెలిపారు. ప్రస్తుతం ఈ డివిజన్లో పోటీ చాలా క్లిష్టంగా ఉందని, సరైన ప్రదర్శన ఇస్తే ఎవరైనా టైటిల్ సాధించే అవకాశం ఉందని ఆల్డో అభిప్రాయపడ్డారు. పాత విషయాలను మనసులో ఉంచుకోకుండా, మెక్గ్రెగర్ శారీరకంగా, మానసికంగా బాగుండాలని ఆల్డో కోరుకున్నారు.
Also Read : నేను నోరు విప్పితే సమస్యలొస్తయ్: కేఏ పాల్ హెచ్చరిక!
Follow Us On: X(Twitter)
