కలం, నిజామాబాద్ బ్యూరో: నిజామాబాద్ పోలీస్ కమిషనరేట్ పరిధిలోని నిజామాబాద్ , ఆర్మూర్ , బోధన్ డివిజన్ పరిధిలో గణేష్ నిమజ్జనం నేపథ్యంలో శాంతిభద్రతలను దృష్టిలో ఉంచుకొని పోలీసు శాఖ ముందస్తు చర్యలు చేపడుతోంది. ఇందులో భాగంగా వైన్ షాపులు (Wine Shops), కల్లు దుకాణాలు , కల్లు డిపోలు , ఐ.ఎమ్.ఎల్ షాప్స్ / 2-బి బార్స్ / క్లబ్బులు / టిడి-1 టి.యస్.బి.సి.ఎల్ లను 25 న సాయంత్రం 6 గంటల నుండి 27 ఉదయం 6 గంటల వరకు బంద్ చేయనున్నారు. ఈ మేరకు పోలీసు కమిషనర్ సాయి చైతన్య ఒక ప్రకటన విడుదల చేశారు. వినాయక నిమజ్జనం ప్రశాంతంగా జరిగేలా ప్రజలు భక్తులు మండళ్ల నిర్వాహకులు సహకరించాలని సిపి కోరారు.
