కలం, జగిత్యాల: జగిత్యాల జిల్లాలో(Jagtial District) సోమవారం నాగుల పంచమి (Nagula Panchami) వేడుకలను భక్తిశ్రద్ధలతో ఘనంగా నిర్వహించారు. తెల్లవారుజామునే మహిళలు తలంటు స్నానాలు ఆచరించి, ఇళ్లలో ప్రత్యేక పూజలు నిర్వహించారు. అనంతరం సమీపంలోని పుట్టల వద్దకు చేరుకుని నాగదేవతకు ప్రత్యేక పూజలు చేసి మొక్కులు చెల్లించుకున్నారు. పుట్టల్లో పాలు పోసి, పసుపు, కుంకుమ సమర్పించి, కొబ్బరికాయలు కొట్టి నాగదేవతను పూజించారు. తమ కుటుంబాలను చల్లగా చూడాలని, ఆయురారోగ్యాలతో సుఖసంతోషాలతో ఉండేలా ఆశీర్వదించాలని నాగదేవతను వేడుకున్నారు.
పుట్టల వద్ద మహిళల సందడి
జగిత్యాల పట్టణంలోని మోతే రోడ్డులోని పుట్ట, విద్యానగర్, చిలుకవాడ, పోచమ్మవాడ, శివాలయం, ధరూర్ క్యాంపు, వాణినగర్, కృష్ణనగర్ తదితర ప్రాంతాలలోని పుట్టల వద్దకు మహిళలు పెద్ద సంఖ్యలో చేరుకున్నారు. పుట్నాలు, పసుపు, కుంకుమ తదితర పూజా సామగ్రిని వెంట తీసుకువచ్చి పుట్టల వద్ద పూజలు నిర్వహించారు. మహిళలు బారులు తీరడంతో పుట్టల పరిసరాలలో సందడి నెలకొంది. భక్తులు సంప్రదాయ పద్ధతిలో నాగదేవతను పూజించి మొక్కులు చెల్లించుకున్నారు.
గ్రామాలలోనూ భక్తిశ్రద్ధలతో వేడుకలు
జిల్లాలోని చందయ్యపల్లె, బుగ్గారం, చిన్నపూర్, రామన్నపేట, మల్యాల, పోతారం, కల్లెడ, బతికేపల్లి, గొల్లపల్లి, కొడిమ్యాల, పెగడపల్లి, సారంగాపూర్, ధర్మపురి, కోరుట్ల, వెల్గటూరు, మేడిపల్లి, రాయికల్, పొలాస, జగిత్యాల రూరల్, జగిత్యాల అర్బన్ తదితర ప్రాంతాల్లో నాగుల పంచమి వేడుకలు ఘనంగా జరిగాయి. సూర్య ధన్వంతరి ఆలయం సహా పలు ఆలయాల్లో భక్తులు ప్రత్యేక పూజలు నిర్వహించారు. పుట్టల వద్ద మహిళలు పాలు పోసి, పసుపు, కుంకుమ సమర్పించి నాగదేవతకు మొక్కులు చెల్లించుకున్నారు.
భక్తులతో కిటకిటలాడిన ఆలయాలు
పొలాస లలితమాత ఆలయ ఫౌండర్ చైర్మన్ చెల్లం స్వరూపతో పాటు అయిల్నేని స్వప్న, ఊటూరి కళ్యాణి, ఎన్నం మంజుల, ఎడమల రాజ్యలక్ష్మి, నాగిశెట్టి అపర్ణ, బొడ్డు వనిత, జిల్లపెల్లి శారద, గోపతి స్వప్న, గోల్ల లక్ష్మి, పెండ్యాల సుజాత, రాచర్ల నర్సమ్మ, తాటిపర్తి రోహిత, గోపిరాణి, లత, అయిల్నేని శిరీష, శైలజ, విజయ, గోపు సునీత, వంచ లక్ష్మి, భారతి, బోరగళ్ల లావణ్య, మాదేసి శిరీష, అర్చన, మంజుల, మధురిమ, లావణ్య, రోజా, కవిత, పద్మారెడ్డి, దాసరి రజనీ, ఎక్కల్ దేవి వెంకట్ శోభా, భాగ్య, కరుణ తదితరులు పూజలలో పాల్గొన్నారు. నాగుల పంచమి సందర్భంగా ఆలయాలు, పుట్టల వద్ద భక్తులతో సందడి నెలకొంది. మహిళలు భక్తిశ్రద్ధలతో పూజలు నిర్వహించి కుటుంబ సభ్యుల క్షేమం, ఆయురారోగ్యాల కోసం నాగదేవతను ప్రార్థించారు.
