కలం, వెబ్ డెస్క్ : భారత బ్యాడ్మింటన్ దిగ్గజం పి.వి. సింధు (PV Sindhu) సరికొత్త చరిత్ర లిఖించారు. టోక్యో వేదికగా జరిగిన ప్రతిష్టాత్మక జపాన్ ఓపెన్ సూపర్ 750 బ్యాడ్మింటన్ టోర్నమెంట్లో ఆమె మహిళల సింగిల్స్ టైటిల్ను కైవసం చేసుకున్నారు. ఆదివారం ఉత్కంఠభరితంగా జరిగిన ఫైనల్ మ్యాచ్లో స్థానిక స్టార్, ప్రపంచ నంబర్ 3 క్రీడాకారిణి అకానె యమగూచిపై సింధు అద్భుత విజయం సాధించారు. పీవీ సింధు తనదైన శైలిలో దూకుడుగా ఆడుతూ ప్రత్యర్థికి ఎలాంటి అవకాశం ఇవ్వకుండా 21-14, 21-17 తేడాతో వరుస గేముల్లో మ్యాచ్ను ముగించారు.
ఈ అద్భుత విజయంతో జపాన్ ఓపెన్ టైటిల్ గెలుచుకున్న మొట్టమొదటి భారతీయ షట్లర్గా పి.వి. సింధు (PV Sindhu) సరికొత్త రికార్డును తన పేరిట లిఖించుకున్నారు. గత కొంతకాలంగా టైటిల్ కోసం ఎదురుచూస్తున్న సింధుకు, ఈ సూపర్ 750 కిరీటం కెరీర్లో మైలురాయిగా నిలిచింది. శనివారం జరిగిన సెమీఫైనల్స్ లో ఒలింపిక్ ఛాంపియన్ చెన్ యూఫీ గాయం కారణంగా తప్పుకోవడంతో ఫైనల్ చేరిన సింధు, తుది పోరులోనూ అదే జోరును ప్రదర్శించి దేశానికి గర్వకారణంగా నిలిచారు.
Read Also: అడవిని గెలిపించిన జనం: ఉత్తరాఖండ్ ప్రభుత్వం కీలక నిర్ణయం!
Follow Us On : WhatsApp
