కలం, ఖమ్మం బ్యూరో: భద్రాచలం (Bhadrachalam) పట్టణాన్ని దశాబ్దాలుగా వేధిస్తున్న లో-వోల్టేజ్ సమస్యకు శాశ్వత పరిష్కారం లభించింది. రూ.1.20 కోట్ల వ్యయంతో ఏర్పాటు చేసిన 15 నూతన విద్యుత్ ట్రాన్స్ఫార్మర్లను సోమవారం మహబూబాబాద్ ఎంపీ బలరాం నాయక్, స్థానిక ఎమ్మెల్యే డాక్టర్ తెల్లం వెంకట్రావు ప్రారంభించారు.
భవిష్యత్ అవసరాలకు అనుగుణంగా..
పట్టణంలోని సుభాష్ నగర్ కాలనీ, మెడికల్ కాలనీ, ఐటీడీఏ రోడ్, సెయింట్ పాల్స్ స్కూల్, వెంకటేశ్వర కాలనీ, రాజుపేట కాలనీల్లో తీవ్రమైన లో-వోల్టేజ్ ఇబ్బందులు వస్తున్నాయి. దీంతో విద్యుత్ శాఖ అధికారులు, యుద్ధప్రాతిపదికన 15 నూతన ట్రాన్స్ఫార్మర్లను బిగించారు.
ఈ సందర్భంగా ఎమ్మెల్యే వెంకట్రావు మాట్లాడుతూ.. భవిష్యత్తులో పెరగబోయే విద్యుత్ అవసరాలకు అనుగుణంగా కొత్త ట్రాన్స్ఫార్మర్లను ముందే ఏర్పాటు చేస్తున్నట్లు వివరించారు.
Read Also: పాలమూరు రైతుల సోలార్ ‘పంట‘.. నెలనెలా ఆదాయం
Follow Us On: Instagram
