పంచాయతీ ఎన్నికల్లో బీసీ రిజర్వేషన్లు, ఎన్నికలపై నమోదవుతున్న ఇతర కేసులపై ప్రభుత్వం ప్రత్యేక లీగల్ సెల్(Special Legal Cell) ఏర్పాటుచేసింది. ఖైరతాబాద్ లోని పీఆర్ కార్యాలయంలో సూపరింటెండెంట్లు కిషన్ సింగ్, మధుర్లత, క్రాంతి కిరణ్ లకు ఈ సెల్ బాధ్యతలు అప్పగించింది. ఎన్నికలకు ఎక్కువ సమయం లేనందున, కేసులకు సంబంధించిన వివరణలు న్యాయస్థానాల్లో సత్వరం అందించేందుకు వీలుగా అన్ని జిల్లాల కలెక్టర్లు, జిల్లా ఎన్నికల సంఘం, పంచాయతీ అధికారులు అప్రమత్తంగా వ్యవహరించాలని చెప్పింది. అన్ని వివరాలను 24 గంటల్లోపల అడిషనల్ అడ్వొకేట్ జనరల్ లేదా గవర్నమెంట్ ప్లీడరుకు, పీఆర్ కార్యాలయానికి సబ్‌మిట్ చేయాలని సూచించింది. లీగల్ సెల్ తో సమన్వయం చేసుకుంటూ, కోర్టు కేసులను పర్యవేక్షించడానికి ప్రత్యేకంగా ఒకరిని పర్సన్ ఇన్‌ఛార్జిగా నియమించాలని ఆదేశించింది. ఈ మేరకు పంచాయతీరాజ్ శాఖ, రూరల్ ఎంప్లాయ్‌మెంట్ ఉత్తర్వులు జారీ చేసింది.
Read Also: బీఆర్ఎస్ పతనానికి కారణం అతడే: కడియం
Follow Us on: Youtube
