ఎమ్మెల్యే కడియం శ్రీహరి(Kadiyam Srihari) బీఆర్ఎస్ పార్టీపై తీవ్రస్థాయిలో ఆరోపణలు గుప్పించారు. కేటీఆర్(KTR)ను టార్గెట్ చేసుకొని తీవ్రస్థాయిలో విమర్శలు గుప్పించారు. కేటీఆర్‌కు నాయకత్వ లక్షణాలు లేవని.. ఆయన అహంకారం వల్లే పార్టీ నాశనం అవుతోందని చెప్పారు. కొంతకాలంగా బీఆర్ఎస్‌లో చోటుచేసుకుంటున్న పరిణామాలను ప్రస్తావించారు. నాయకత్వ లోపం కారణంగానే ప్రముఖ నేతలు పార్టీని విడిచి వెళ్తున్నారని ఆయన అన్నారు. ఇందులో భాగంగా, కవిత కూడా అదే కారణంతో బీఆర్ఎస్ నుంచి దూరమయ్యారని పేర్కొన్నారు. కేటీఆర్ అహంకార ధోరణి వల్లే బీఆర్ఎస్ పతనం అవుతోందన్నారు.
“అహంకారం, బలుపు మాటలతో నాయకులు కాలేరు. ప్రజల మధ్య నడవాలి, నాయకత్వం చూపాలి. కానీ కేటీఆర్ చూపిస్తున్న వైఖరి వల్ల పార్టీ రోజురోజుకీ బలహీనమవుతోంది,” అని తీవ్రస్థాయిలో విమర్శించారు. హరీశ్ రావు భవిష్యత్‌పై కూడా ఆయన వ్యాఖ్యానించారు. కేసీఆర్‌ ఉన్నంతకాలమే హరీశ్ రావు బలంగా పనిచేస్తారని.. ఆ తర్వాత పార్టీ పరిస్థితి పూర్తిగా మారిపోతుందని చెప్పారు. కేసీఆర్‌ తదనంతరం బీఆర్ఎస్ “ముక్కలవ్వడం ఖాయం” అంటూ పేర్కొన్నారు. పార్టీ విస్తరణ పేరుతో గత పదేళ్లలో 36 మందిని బీఆర్ఎస్‌లోకి చేర్చుకున్నప్పుడు కేటీఆర్‌కు నీతులు గుర్తుకు రాలేదా? అని శ్రీహరి ప్రశ్నించారు. అప్పట్లో ఇవే ప్రమాణాలు పాటించారా? అని ఆయన తీవ్రంగా విమర్శించారు.
పార్టీ ధోరణి, నాయకత్వ వైఖరి, అంతర్గత రాజకీయాలు అన్నీ కలగలిసి బీఆర్ఎస్ రోజురోజుకు ప్రజాదరణ కోల్పోతుందని కడియం శ్రీహరి(Kadiyam Srihari) వ్యాఖ్యానించారు. తన అభిప్రాయాలు రాజకీయ విమర్శలే కాకుండా, భవిష్యత్‌లో బీఆర్ఎస్‌కు తలెత్తే పరిస్థితులపై హెచ్చరికలుగానూ భావించాల్సిన అవసరముందని అన్నారు.
Read Also: రంగనాథ్‌కు నాన్ బెయిలబుల్ వారెంట్ జారీ చేస్తాం: హైకోర్టు
Follow Us on: Youtube
