కలం, సోన్: సోన్ మండల కేంద్రం (Soan)లో స్కూల్ గేమ్స్ ఫెడరేషన్ ఆఫ్ ఇండియా (SGFI) ఆధ్వర్యంలో ఆదివారం జోనల్ స్థాయి యోగ సెలెక్షన్ పోటీలు ప్రారంభమయ్యాయి. ఈ పోటీలకు ఆదిలాబాద్, నిర్మల్, మంచిర్యాల, కుమ్రంభీం ఆసిఫాబాద్ జిల్లాలకు చెందిన యోగ క్రీడాకారులు పాల్గొన్నారు. అండర్‌ -14, అండర్‌ -17 విభాగాల్లో ట్రెడిషనల్, రిథమిక్ సోలో, రిథమిక్ డబుల్, ఆర్టిస్టిక్ సోలో, ఆర్టిస్టిక్ డబుల్ విభాగాల్లో పోటీలు నిర్వహించారు.
ప్రతిభ కనబరిచిన క్రీడాకారులను తదుపరి స్థాయి పోటీలకు ఎంపిక చేయనున్నట్లు నిర్వాహకులు తెలిపారు. ఈ కార్యక్రమంలో ఎస్‌జీఎఫ్‌ఐ కార్యదర్శి రాథోడ్ లక్ష్మణ్, యోగా నేచురోపతి వైద్యురాలు డాక్టర్ అన్నపూర్ణ, పీడీలు ఇమ్రాన్, దర్శనం దేవేందర్, త్రివేణి, యోగా కోచ్‌లు ప్రదీప్, మల్లేష్ తదితరులు పాల్గొన్నారు.
