కలం, వెబ్ డెస్క్ : దేశాన్ని మాదకద్రవ్యాల రహితంగా మార్చేందుకు ప్రధానమంత్రి నరేంద్ర మోదీ ప్రతిష్టాత్మకమైన “నశా ముక్త్ యువ ఫర్ విక్షిత్ భారత్ సంకల్ప్ అభియాన్” (Nasha Mukt Yuva for Viksit Bharat Sankalp Abhiyaan) (Nasha Mukt Yuva) కార్యక్రమాన్ని ప్రారంభిస్తున్నారని కేంద్ర మంత్రి మన్సుఖ్ మాండవీయ (Mansukh Mandaviya) తెలిపారు. ఈ సందర్భంగా ఆయన మాట్లాడుతూ, దేశం ఆజాదీ కా అమృత్ మహోత్సవం జరుపుకుంటున్న వేళ ప్రధాని మోదీ 140 కోట్ల మంది పౌరులను భాగస్వామ్యులను చేస్తూ విక్షిత్ భారత్ విజన్ను ఆవిష్కరించారని గుర్తుచేశారు.
దేశం సుసంపన్నం కావాలంటే పౌరులు ఆరోగ్యంగా ఉండటం ఎంతో అవసరమని, ఆరోగ్యకరమైన పౌరులే ఆరోగ్యకరమైన సమాజాన్ని, తద్వారా సంపన్న దేశాన్ని నిర్మిస్తారని ఆయన పేర్కొన్నారు. అందుకే దేశ యువతను బలోపేతం చేయడం ద్వారా అటువంటి ఆరోగ్యకరమైన సమాజాన్ని సృష్టించాలని ప్రధానమంత్రి పిలుపునిచ్చారని మంత్రి వివరించారు.
ఆగస్టు 15, 2020న ప్రధాని మోదీ దేశాన్ని డ్రగ్స్ రహితంగా మారుస్తామని ప్రతిజ్ఞ చేశారని, ఆ ప్రకటన ఆధారంగానే దేశాన్ని మాదకద్రవ్యాల రహిత భారత్గా మార్చడానికి చేపట్టాల్సిన కార్యక్రమాలు, భవిష్యత్తు కార్యాచరణను రూపొందించినట్లు మన్సుఖ్ మాండవీయ స్పష్టం చేశారు. ఈ చొరవతో యువతను డ్రగ్స్ మహమ్మారికి దూరంగా ఉంచి దేశ ప్రగతిలో భాగస్వాములను చేయడమే ప్రభుత్వ లక్ష్యమని ఆయన వెల్లడించారు.
