కలం, వెబ్ డెస్క్: ఏపీలో జడ్పీ ఎన్నికల్లో భాగంగా ఎన్డీయే కూటమి (NDA Alliance) పార్టీల మధ్య సీట్ల సర్దుబాటు ఖరారు అయింది. రేపు డిప్యూటీ మేయర్లు, వైస్ ఛైర్మన్ల ఎన్నిక జరగబోతున్నాయి. ఈ నేపథ్యంలో టీడీపీకి 7 డిప్యూటీ మేయర్ స్థానాలు, 59 మున్సిపాలిటీలు, నగర పంచాయతీల్లో వైస్ ఛైర్ పర్సన్ స్థానాలను కేటాయించారు. జనసేనకు 23, బీజేపీ 9 స్థానాలు కేటాయించారు. టీడీపీకి అనంతపురం, కడప, ఒంగోలు, విజయవాడ, విజయనగరం, ఏలూరు కార్పొరేషన్ల డిప్యూటీ మేయర్ స్థానాలు దక్కాయి. ఇప్పటికే జడ్పీ ఛైర్మన్లలో మెజార్టీ సీట్లను టీడీపీనే దక్కించుకున్న విషయం తెలిసిందే. రేపటితో జడ్పీ ఎన్నికల అంకం సమాప్తం కానుంది.

