కలం, వెబ్ డెస్క్: క్రికెట్ అభిమానులు ఎప్పుడెప్పుడా అని ఎదురుచూస్తున్న ఇండియన్ ప్రీమియర్ లీగ్ (IPL 2026) షెడ్యూల్పై క్లారిటీ వచ్చేసింది. తాజా సమాచారం ప్రకారం.. ఈ ఏడాది ఐపీఎల్ సీజన్ మార్చి 28 నుంచి ప్రారంభం కానుంది. అయితే మార్చి 26 నుంచే టోర్నీ ప్రారంభం కావాల్సి ఉన్నప్పటికీ, అసెంబ్లీ ఎన్నికల నేపథ్యంలో రెండు రోజులు వాయిదా వేసినట్లు తెలుస్తోంది. దాదాపు రెండు నెలల పాటు అలరించనున్న ఈ క్రికెట్ (Cricket) పండుగ మే 31వ తేదీన నిర్వహించబోయే గ్రాండ్ ఫైనల్తో ముగియనుంది. వచ్చే వారం జరిగే ఐపీఎల్ గవర్నింగ్ కౌన్సిల్ సమావేశంలో పూర్తిస్థాయి షెడ్యూల్ను అధికారికంగా ఖరారు చేయనున్నారు.
