కలం, వెబ్ డెస్క్: అహ్మదాబాద్ పిచ్పై గుజరాత్ టైటాన్స్ (Gujarat Titans) బౌలర్లు నిప్పులు చెరిగారు. బ్యాటింగ్లో కొండంత లక్ష్యాన్ని ఉంచిన గుజరాత్.. ఆ తర్వాత బౌలింగ్లోనూ చెన్నై సూపర్ కింగ్స్ను ముప్పుతిప్పలు పెట్టింది. సిరాజ్, రబాడ, రషీద్ ఖాన్ ముగ్గురూ కలిసి చెన్నై బ్యాటింగ్ లైనప్ను కుప్పకూల్చారు. దీంతో 230 పరుగుల భారీ లక్ష్యంతో బరిలోకి దిగిన చెన్నై కేవలం 13.4 ఓవర్లలో 140 పరుగులకే ఆలౌట్ అయింది. ఫలితంగా గుజరాత్ 89 పరుగుల భారీ తేడాతో అద్భుత విజయాన్ని అందుకుంది.
టాస్ ఓడి మొదట బ్యాటింగ్కు దిగిన గుజరాత్ టైటాన్స్ జట్టుకు ఓపెనర్లు అదిరిపోయే ఆరంభాన్ని ఇచ్చారు. ఓపెనర్ సాయి సుదర్శన్ 53 బంతులు ఎదుర్కొని 7 ఫోర్లు, 4 సిక్సర్లతో 84 పరుగులు చేసి అన్షుల్ కాంబోజ్ బౌలింగ్లో షార్ట్కు క్యాచ్ ఇచ్చి అవుటయ్యాడు. కెప్టెన్ శుభ్మన్ గిల్ 37 బంతుల్లో 7 ఫోర్లు, 3 సిక్సర్లతో 64 పరుగులు చేసి స్పెన్సర్ జాన్సన్ బౌలింగ్లో శివమ్ దూబేకు క్యాచ్ ఇచ్చి వెనుతిరిగాడు. ఆ తర్వాత వచ్చిన జోస్ బట్లర్ ఆఖరి వరకు క్రీజులో నిలిచి మెరుపు ఇన్నింగ్స్ ఆడాడు. బట్లర్ కేవలం 27 బంతుల్లోనే 5 ఫోర్లు, 4 సిక్సర్లతో 57 పరుగులు చేసి నాటౌట్గా నిలిచాడు. మిడిల్ ఆర్డర్లో వచ్చిన రాహుల్ తెవాటియా కేవలం ఒకే ఒక్క బంతిని ఎదుర్కొని, పరుగుల ఖాతా తెరవకుండానే రుతురాజ్ గైక్వాడ్ చేతిలో రనౌట్ అయ్యాడు. వాషింగ్టన్ సుందర్ 3 బంతుల్లో ఒక సిక్సర్తో 7 పరుగులు చేసి ముకేశ్ చౌదరి బౌలింగ్లో పటేల్కు క్యాచ్ ఇచ్చి వెనుతిరిగాడు. చెన్నై బౌలర్లు ఎక్స్ట్రాల రూపంలో 17 పరుగులు (లెగ్ బైస్ 3, నో బాల్ 1, వైడ్స్ 13) సమర్పించుకున్నారు. దీంతో గుజరాత్ టైటాన్స్ నిర్ణీత 20 ఓవర్లలో 4 వికెట్ల నష్టానికి 229 పరుగుల భారీ స్కోరు సాధించింది.
చెన్నై బౌలర్లలో ముకేశ్ చౌదరి 4 ఓవర్లలో 36 పరుగులు ఇచ్చి ఒక వికెట్ తీశాడు. స్పెన్సర్ జాన్సన్ 4 ఓవర్లలో 47 పరుగులు ఇచ్చి ఒక వికెట్ పడగొట్టగా, అన్షుల్ కాంబోజ్ 4 ఓవర్లలో 56 పరుగులు సమర్పించుకుని ఒక వికెట్ దక్కించుకున్నాడు. గుర్జాప్నీత్ సింగ్ 4 ఓవర్లలో 31 పరుగులు, నూర్ అహ్మద్ 3 ఓవర్లలో 41 పరుగులు, శివమ్ దూబే ఒక ఓవర్ వేసి 15 పరుగులు ఇచ్చినా వీరికి ఎలాంటి వికెట్లు దక్కలేదు.
229 పరుగుల లక్ష్యంతో బరిలోకి దిగిన చెన్నై సూపర్ కింగ్స్ ఇన్నింగ్స్ ఆరంభం నుంచే తడబడింది. ఓపెనర్ సంజూ శాంసన్ ఎదుర్కొన్న మొదటి బంతికే మహ్మద్ సిరాజ్ బౌలింగ్లో జోస్ బట్లర్కు క్యాచ్ ఇచ్చి డకౌట్ అయ్యాడు. మరో ఓపెనర్ మ్యాథ్యూ షార్ట్ 14 బంతుల్లో 3 ఫోర్లు, ఒక సిక్సర్తో 24 పరుగులు చేసి కాగిసో రబాడ బౌలింగ్లో ప్రసిద్ధ్ కృష్ణకు క్యాచ్ ఇచ్చి అవుటయ్యాడు. కెప్టెన్ రుతురాజ్ గైక్వాడ్ 7 బంతుల్లో ఒక ఫోర్, 2 సిక్సర్లతో 16 పరుగులు చేసి సిరాజ్ బౌలింగ్లో క్లీన్ బౌల్డ్ అయ్యాడు. ఊర్విల్ పటేల్ 2 బంతులు ఆడి పరుగులేమీ చేయకుండానే సిరాజ్ బౌలింగ్లో ప్రసిద్ధ్ కృష్ణకు క్యాచ్ ఇచ్చి వెనుతిరిగాడు. కార్తీక్ శర్మ 15 బంతుల్లో 3 ఫోర్లతో 19 పరుగులు చేసి శుభ్మన్ గిల్ చేతిలో రనౌట్ అయ్యాడు. డెవాల్డ్ బ్రెవిస్ 10 బంతుల్లో 8 పరుగులు చేసి రషీద్ ఖాన్ బౌలింగ్లో హోల్డర్కు క్యాచ్ ఇచ్చాడు. మిడిల్ ఆర్డర్లో శివమ్ దూబే ఒక్కడే వీరోచితంగా పోరాడి 17 బంతుల్లో 4 ఫోర్లు, 4 సిక్సర్లతో 47 పరుగులు చేసి రషీద్ ఖాన్ బౌలింగ్లో గిల్కు క్యాచ్ ఇచ్చి అవుటయ్యాడు. అన్షుల్ కాంబోజ్ 8 బంతుల్లో ఒక ఫోర్, 2 సిక్సర్లతో 19 పరుగులు చేసి రషీద్ ఖాన్ బౌలింగ్లోనే హోల్డర్కు క్యాచ్ ఇచ్చి వెనుతిరిగాడు. నూర్ అహ్మద్ 5 బంతుల్లో ఒక పరుగు చేసి రబాడ బౌలింగ్లో ఆయనకే రిటర్న్ క్యాచ్ ఇచ్చాడు. స్పెన్సర్ జాన్సన్ ఎదుర్కొన్న ఒకే ఒక్క బంతికి రబాడ బౌలింగ్లో బట్లర్కు క్యాచ్ ఇచ్చి అవుటయ్యాడు. ముకేశ్ చౌదరి 2 బంతుల్లో 2 పరుగులతో నాటౌట్గా నిలిచాడు. గుజరాత్ బౌలర్లు ఎక్స్ట్రాల రూపంలో 4 వైడ్లు ఇచ్చారు. దీంతో చెన్నై ఇన్నింగ్స్ 13.4 ఓవర్లలో 140 పరుగులకే ముగిసింది.
గుజరాత్ బౌలర్లలో మహ్మద్ సిరాజ్ 3 ఓవర్లలో 26 పరుగులు ఇచ్చి 3 వికెట్లు పడగొట్టాడు. కాగిసో రబాడ 3.4 ఓవర్లలో 32 పరుగులు ఇచ్చి 3 వికెట్లు తీశాడు. రషీద్ ఖాన్ కేవలం 2 ఓవర్లలో 18 పరుగులు మాత్రమే ఇచ్చి 3 వికెట్లు కూల్చాడు. అర్షద్ ఖాన్ 2 ఓవర్లలో 24 పరుగులు, జేసన్ హోల్డర్ 2 ఓవర్లలో 27 పరుగులు, ప్రసిద్ధ్ కృష్ణ ఒక ఓవర్ వేసి 13 పరుగులు ఇచ్చినా వీరికి వికెట్లు దక్కలేదు.
