కలం, వెబ్డెస్క్: జగిత్యాల (Jagtial) జిల్లా కొడిమ్యాల మండలం నల్లగొండ వద్ద అగ్నిప్రమాదం చోటుచేసుకుంది. ఇటుకల లోడుతో వెళ్తున్న ట్రాక్టర్ (Tractor) ఇంజిన్లో ఒక్కసారిగా మంటలు చెలరేగిన ఘటన స్థానికంగా కలకలం రేపింది. డ్రైవర్ అప్రమత్తమై ట్రాక్టర్ను పక్కకు ఆపి కిందకు దూకాడు. ఈ ప్రమాదంలో ట్రాక్టర్ పూర్తిగా కాలిపోయింది. డ్రైవర్ అప్రమత్తం కావడంతో తృటిలో ప్రమాదం తప్పిందని స్థానికులు ఊపిరి పీల్చుకుంటున్నారు. ఎండ తీవ్రతతోనే ట్రాక్టర్లో మంటలు చెలరేగి ఉంటాయని డ్రైవర్ చెబుతున్నారు.
