కలం, వెబ్డెస్క్: భారత్-శ్రీలంక రెండో టెస్టు డ్రాగా ముగిసింది. దీంతో రెండు టెస్టుల సిరీస్ను భారత్ 1-0తో గెలుచుకుంది. ఇదే సమయంలో భారత టెస్ట్ పేసర్లపై చెతేశ్వర్ పుజారా (Cheteshwar Pujara) చేసిన వ్యాఖ్యలు ఆసక్తికరంగా మారాయి. మహ్మద్ సిరాజ్ (Mohammed Siraj) భారత టాప్-20 టెస్ట్ పేసర్లలో ఉంటాడని పుజారా చెప్పారు. టాప్-10లో కూడా సిరాజ్కు చోటు ఉంటుందని తెలిపారు. విదేశాల్లో, భారత్లో సిరాజ్ చేసిన ప్రదర్శనలు మెచ్చుకోదగినవని పుజారా పేర్కొన్నారు. జట్టు కోసం అతను చేసే కృషి కూడా ముఖ్యమని చెప్పారు. అయితే టాప్-5లో మాత్రం సిరాజ్కు చోటు ఇవ్వలేదు.
పుజారా ఎంపిక చేసిన టాప్-5లో కపిల్ దేవ్, జహీర్ ఖాన్, జవగల్ శ్రీనాథ్, జస్ప్రీత్ బుమ్రా, ఇషాంత్ శర్మ ఉన్నారు. ఇక శ్రీలంకతో రెండో టెస్టులో ఆ జట్టు చివరి రోజు అద్భుతంగా పోరాడింది. ఫాలోఆన్ ఆడిన శ్రీలంక.. మ్యాచ్ను డ్రాగా ముగించింది. సోనల్ దినుషా మరోసారి కీలక ఇన్నింగ్స్ ఆడాడు. అతను 133 పరుగులతో నాటౌట్గా నిలిచాడు. కేశర నువన్థాతో కలిసి శ్రీలంకను ఆదుకున్నాడు. చివరికి శ్రీలంక 429/9 వద్ద ఇన్నింగ్స్ను డిక్లేర్ చేసింది. దీంతో మ్యాచ్ డ్రాగా ముగిసింది. తొలి టెస్టులో భారత్ 165 పరుగులతో గెలిచింది. రెండో టెస్టు డ్రా కావడంతో సిరీస్ భారత్ 1-0తో ముగిసింది.
