కలం, వెబ్ డెస్క్ : అనకాపల్లి జిల్లా ఎలమంచిలి మండలంలోని మర్రిబంద వద్ద జాతీయ రహదారిపై శనివారం తెల్లవారుజామున ఘోర రోడ్డు ప్రమాదం (Anakapalli Accident) జరిగింది. రోడ్డుపై ఆగి ఉన్న ట్రాలీ లారీని వెనుక నుంచి వేగంగా వచ్చిన బొలెరో వాహనం ఢీకొట్టింది.
ఈ ప్రమాద ధాటికి బొలెరో వాహనంలో ప్రయాణిస్తున్న ఇద్దరు వ్యక్తులు అక్కడికక్కడే ప్రాణాలు కోల్పోయారు. సమాచారం అందుకున్న పోలీసులు వెంటనే ఘటనా స్థలానికి చేరుకుని సహాయక చర్యలు చేపట్టారు. మృతుల వివరాలను సేకరించేందుకు పోలీసులు కేసు నమోదు చేసి దర్యాప్తు చేస్తున్నారు.
