కలం, స్పోర్ట్స్: అభిషేక్‌ శర్మ, వైభవ్‌ సూర్యవంశీ జోడీ న్యూజిలాండ్‌ బౌలర్లపై విరుచుకుపడింది. మూడో టీ20లో పరుగుల వరద పారించింది. వీరిద్దరి దూకుడుతో భారత్ టీ20 అంతర్జాతీయ క్రికెట్‌లో మూడు ప్రపంచ రికార్డులు (T20 World Records) సృష్టించింది. అభిషేక్‌ కేవలం 15 బంతుల్లోనే అర్ధశతకం సాధించాడు. భారత్ 2.2 ఓవర్లలో 50 పరుగులు చేసి, అత్యంత వేగంగా జట్టు అర్ధశతకం సాధించిన రికార్డును సమం చేసింది. ఆ తర్వాత ఐదు ఓవర్లలోనే 100 పరుగులు పూర్తి చేసి, టీ20ల్లో వేగవంతమైన జట్టు శతకం రికార్డును తన ఖాతాలో వేసుకుంది.
పవర్‌ప్లేలోనూ భారత్ చరిత్ర సృష్టించింది. తొలి ఆరు ఓవర్లలో వికెట్‌ కోల్పోకుండా 118 పరుగులు చేసింది. టీ20 అంతర్జాతీయ క్రికెట్‌లో పవర్‌ప్లేలో ఇదే అత్యధిక స్కోరు. అభిషేక్‌ 35 బంతుల్లోనే సెంచరీ పూర్తి చేయగా, వైభవ్‌ 19 బంతుల్లో 45 పరుగులు చేశాడు. వీరిద్దరి మెరుపు ఆరంభంతో భారత్ 199 పరుగుల లక్ష్యాన్ని 13.2 ఓవర్లలోనే ఛేదించింది. న్యూజిలాండ్‌పై ఆరు వికెట్ల తేడాతో గెలిచి, సిరీస్‌లో 3-0 ఆధిక్యం సాధించింది.
