కలం డెస్క్ : తెలంగాణ రాష్ట్రాన్ని దేశంలోనే ఉన్నతమైన స్థానంలో నిలిపేందుకు వీలుగా రాష్ట్ర ప్రభుత్వం ‘తెలంగాణ రైజింగ్ విజన్ డాక్యుమెంట్ – 2047’ (Telangana Rising Vision 2047)ను రూపొందించింది. డిసెంబర్ 8, 9 తేదీల్లో ‘భారత్ ఫ్యూచర్ సిటీ’ (Bharat Future City)లో నిర్వహించనున్నది. దీనికి దేశ, విదేశీ ఇన్వెస్టర్లను, పారిశ్రామికవేత్తలను, వ్యాపారవేత్తలను ఆహ్వానిస్తున్నది. మొత్తం ఎనిమిది అంశాలతో విజన్ డాక్యుమెంట్ ముసాయిదా తయారైంది. ఏయే రంగాల్లో రాష్ట్రాన్ని రానున్న 22 ఏండ్లలో ఏ దశకు తీసుకెళ్ళాలనే అంశాలను ఈ డాక్యుమెంట్‌లో ప్రభుత్వం వివరించనున్నది. ఇందులో భాగంగా ఇప్పటికే ఆయా డిపార్టుమెంట్ల అధికారులతో ముఖ్యమంత్రి రేవంత్‌రెడ్డి సమీక్షా సమావేశాలు నిర్వహిస్తున్నారు. డ్రాప్ట్ డాక్యుమెంట్లు సిద్ధమయ్యాయి. డిసెంబర్ ఫస్ట్ వీక్‌లో సీఎం రేవంత్ వీటిని ఫైనల్ చేయనున్నారు.
Telangana Rising Vision 2047 – ఎంపిక చేసిన 8 అంశాలు ఇవే :
ఏయే రంగానికి ఎలాంటి అనుకూల అంశాలు ఉన్నాయో, రాబోయే 22 ఏండ్లలో రాష్ట్ర ప్రభుత్వం వాటిని మరింతగా ఎలా మెరుగుపర్చనున్నదీ గ్రాప్‌లు, ఛార్టులు, మ్యాప్‌ల రూపంలో ఆయా డిపార్టుమెంట్ల అధికారులు రూపొందించారు. మొత్తం ఎనిమిది అంశాలను ప్రభుత్వం హైలైట్ చేయనున్నది. అవి… :
1. 3 ట్రిలియన్ డాలర్ల ఎకానమీ (ఆర్థిక వ్యవస్థను పరిపుష్టి చేయడం)
2. ఇన్వెస్ట్ మెంట్ మ్యాగ్నెట్ (పెట్టుబడులను ఆకర్షించడం)
3. స్పేషియల్ ఏరియా ప్లానింగ్ (మూడు రీజియన్లుగా అభివృద్ధి ప్లాన్)
4. ఫార్మర్ ఎంపవర్‌మెంట్ ( రైతు సాధికారికత)
5. ఉమెన్-లెడ్ డెవలప్‌మెంట్ (మహిళలే కేంద్రంగా రాష్ట్ర అభివృద్ధి)
6. హ్యూమన్ డెవలప్‌మెంట్ (విద్య, వైద్యం, ఆదాయాన్ని పెంచడం)
7. యూత్ డెవలప్‌మెంట్ (యువతకు ఉపాధి అవకాశాల కల్పన)
8. నెట్ జీరో డెవలప్‌మెంట్ (కాలుష్యాన్ని గణనీయంగా తగ్గించడం)
Read Also: రాహుల్, సోనియాపై ఎఫ్ఐఆర్
Follow Us On: X(Twitter)
