ఆపరేషన్ కగార్, వరుస ఎన్‌కౌంటర్లు, కీలక నేతల లొంగుబాట్లతో మావోయిస్టు(Maoists) పార్టీ ఉక్కిరిబిక్కిరవుతున్న విషయం తెలిసిందే. ఈ నేపథ్యంలో తాజాగా మావోయిస్టు పార్టీ కీలక ప్రకటన చేసింది. తాము ఆయుధాలు వదిలేసి జనజీవన స్రవంతిలో కలిసిపోతామని ప్రకటించింది. మరి కేంద్రప్రభుత్వం, ఆయా రాష్ట్ర ప్రభుత్వాలు ఎలా స్పందిస్తాయో వేచి చూడాలి. జనవరి 1 నుంచి తాము ఆయుధాలు వీడి లొంగిపోతామని పార్టీ ప్రకటించింది. ఈ మేరకు ఎంఎంసీ జోన్ ప్రతినిధి అనంత్ పేరిట అధికారికంగా ఓ లేఖ విడుదలైంది.
సాయుధ పోరాటాన్ని ఆపే సమయం వచ్చిందని, దశాబ్దాలుగా కొనసాగుతున్న పోరాటాన్ని ఆపుతామని చెప్పింది. మారిన పరిస్థితులు, మారుతున్న సామాజిక, రాజకీయ వాతావరణం నేపథ్యంలో ఈ నిర్ణయం తీసుకున్నట్టు వెల్లడించారు. అనంత్ విడుదల చేసిన లేఖలో భవిష్యత్తులో మావోయిస్టు(Maoists) పార్టీ ఏ దిశగా సాగాలని చూస్తోంది? ఆయుధ విరమణ అనంతరం వారి కార్యాచరణపై ఏమి ఉండబోతోంది? అనే అంశాలపై మరిన్ని వివరాలు ఇవ్వలేదు. అయితే, సాయుధ పోరాటం నుంచి తప్పుకోవడం మావోయిస్టు ఉద్యమంలో పెద్ద మలుపుగా పరిగణించవచ్చని పేర్కొన్నారు.
Read Also: ఓటీటీ యాక్సెస్‌కి ఆధార్ లింక్.. సీజేఐ కీలక సూచన
Follow Us on: Youtube
